Anglo-Norman Correspondence Corpus

Letter: Cantuarienses-371

Sender:Prior Richard
Addressee:H de Lapflode
Date:28th August 1331
 
Sample:Literae Cantuarienses: the letter books of the monastery of Christ Church, Canterbury Edited by J. Brigstocke Sheppard. (1887-1889 :London : Eyre & Spottiswoode)
Volume:Vol. I
Page:386



A son treschier et bien amez en Dieu H. de Lappeflode, tenant le leu nostre Seneschal en le counte de Devenschir, ou a son leu tenant, R(ichard) Priour del Esglise de Canterbirs salutz. Sachetz qe nous avoms trove en registre nostre predecessour, qil vous ad, avant ces houres, maunde par ses lettres, qil volleit qe toutes noz terres qi noz vilains tenent de nous a Dockumbe a nostre volunte demoererent toutz jours en la mein et en la garde de ascun de noz vilains demeigne, de tener a nostre volunte, solom ceo qe vous veissetz qe feut afaire a nostre profist; et qe noz dites terres ne fuissent baillez a nul frank homme, ne a nul vilain qi feut de altre seignurie qe del nostre, tout voilleit il plus doner que un de noz vilains demeigne. Et auxi il vous maunda, qe vous ne duissetz bailler nostre terre de Dockumbe a nul homme qi la demande par droit et par decente de heritage; et auxi qil voilleit qe noz vilains de Dock-umbe, qi sont taillables a nostre volunte, et qi ne furent grant temps passe taillez, qe vous faicetz taxer et priser touz les chatels et biens moebles qil avoient; et qe vous faicetz lever de chescun mark de lour biens et de lour chatels moebles xij. deners, a nostre oeps cume taillage, pur continuer le droit de nostre Esglise; et cele taillage ove la rente et les issues de noz terres de Dockumbe nous facetz avoir a plustost qe vous puissetz; et qe vous facietz escrivre en un roule toutz les nounz de toutz noz homines et noz tenantz de Dockumbe qi furent a cele houre en vye, et cel roule luy faicetz maunder a plustost qe vous puissez. Et par ceo qe nous ne sumes pas certifiez si execution de toutes les choses avant dites soit fait ou ne mye; nous voloms qe, quant a taillage de noz vilains, si ils ne soient mye taillez qils soient taillez solom la forme avantdite, et qe execucion soit fait de cele taillage ore a la feste de Seint Michel proschein avenir; et qe vous nous maundez les nouns de toutz nos hommes et noz tenants de Dockumbe avantdit qi sont ore en vye. Et la rente et les issues de deux anas proscheins passez nous facetz avoir a plustost com vous porrez apres la dite fest Seint Michel. Et ceo qe vous entendez de fair endroit de cestes choses et des altres nous remandez par le portour de cestes, si vous ne puissetz meismes venir. A Dieu. Donez a Canterbirs le xxviije jour de Augst, lan del regne le Roy Edward tiers apres le conquest quint.
Hold the cursor over a tag to view its description or view the full tagset.


A son treschier{ADJ+MA+TMA} et bien amez{ADJ+MA+TMA} en Dieu H. de Lappeflode, tenant le leu nostre Seneschal en le counte de Devenschir, ou a son leu tenant, R(ichard) Priour del Esglise de Canterbirs salutz. Sachetz qe nous{1+PL+NEU+SBJ} avoms trove en registre nostre predecessour, qil{3+SG+WK+SBJ} vous{2+PL+NEU+IND+OBJ+VF} ad, avant ces houres, maunde par ses lettres, qil{3+SG+WK+SBJ} volleit qe toutes{ADJ+FE+TFE} noz terres qi noz vilains tenent de nous a Dockumbe a nostre volunte demoererent toutz{ADJ+MA+TMA} jours en la mein et en la garde de ascun de noz vilains demeigne, de tener{INF+ER+TIR} a nostre volunte, solom ceo qe vous{2+PL+NEU+SBJ} veissetz qe feut afaire{INF+RE+TRE} a nostre profist; et qe noz dites{ADJ+FE+TFE} terres ne fuissent baillez a nul{ADJ+MA+TMA} frank{ADJ+MA+TMA} homme, ne a nul{ADJ+MA+TMA} vilain qi feut de altre seignurie qe del{CON} nostre, tout voilleit il plus doner que un de noz vilains demeigne. Et auxi il{3+SG+WK+SBJ} vous{2+PL+NEU+IND+OBJ+VF} maunda, qe vous{2+PL+NEU+SBJ} ne duissetz bailler nostre terre de Dockumbe a nul{ADJ+MA+TMA} homme qi la demande par droit et par decente de heritage; et auxi qil{3+SG+WK+SBJ} voilleit qe noz vilains de Dock-umbe, qi sont taillables a nostre volunte, et qi ne furent grant{ADJ+MA+TMA} temps passe taillez, qe vous{2+PL+NEU+SBJ} faicetz taxer et priser touz les chatels et biens moebles qil{3+PL+WK+SBJ} avoient; et qe vous{2+PL+NEU+SBJ} faicetz lever de chescun{ADJ+MA+TMA} mark de lour biens et de lour chatels moebles xij. deners, a nostre oeps cume taillage, pur continuer le droit de nostre Esglise; et cele{ADJ+FE+TFE} taillage ove la rente et les issues de noz terres de Dockumbe nous{1+PL+NEU+DIR+OBJ+VF} facetz avoir a plustost qe vous{2+PL+NEU+SBJ} puissetz; et qe vous{2+PL+NEU+SBJ} facietz escrivre{INF+RE+TRE} en un roule toutz les nounz de toutz{ADJ+MA+TMA} noz homines et noz tenantz de Dockumbe qi furent a cele{ADJ+FE+TFE} houre en vye, et cel{ADJ+MA+TMA} roule luy{3+SG+WK+IND+OBJ+VF} faicetz maunder a plustost qe vous{2+PL+NEU+SBJ} puissez. Et par ceo qe nous{1+PL+NEU+SBJ} ne sumes pas certifiez si execution de toutes{ADJ+FE+TFE} les choses avant dites{ADJ+FE+TFE} soit fait ou ne mye; nous{1+PL+NEU+SBJ} voloms qe, quant a taillage de noz vilains, si ils{3+PL+WK+SBJ} ne soient mye taillez qils{3+PL+WK+SBJ} soient taillez solom la forme avantdite{ADJ+FE+TFE}, et qe execucion soit fait de cele{ADJ+MA+TMA} taillage ore a la feste de Seint Michel proschein{ADJ+MA+TFE} avenir{INF+IR+TIR}; et qe vous{2+PL+NEU+SBJ} nous{1+PL+NEU+IND+OBJ+VF} maundez les nouns de toutz{ADJ+MA+TMA} nos hommes et noz tenants de Dockumbe avantdit{ADJ+MA+TMA} qi sont ore en vye. Et la rente et les issues de deux anas proscheins{ADJ+MA+TMA} passez{ADJ+MA+TMA} nous{1+PL+NEU+DIR+OBJ} facetz avoir a plustost com vous{2+PL+NEU+SBJ} porrez apres la dite{ADJ+FE+TFE} fest Seint Michel. Et ceo qe vous{2+PL+NEU+SBJ} entendez de fair{INF+R+TRE} endroit de cestes{ADJ+FE+TFE} choses et des{CON} altres nous{1+PL+NEU+IND+OBJ+VF} remandez par le portour de cestes, si vous{2+PL+NEU+SBJ} ne puissetz meismes venir{INF+IR+TIR}. A Dieu. Donez a Canterbirs le xxviije jour de Augst, lan del regne le Roy Edward tiers apres le conquest quint.

Choose Letter