Anglo-Norman Correspondence Corpus

Letter: Cantuarienses-474

Sender:Prior Richard
Addressee:mayor of Dover
Date:1332
 
Sample:Literae Cantuarienses: the letter books of the monastery of Christ Church, Canterbury Edited by J. Brigstocke Sheppard. (1887-1889 :London : Eyre & Spottiswoode)
Volume:Vol. I
Page:502



Richard par la soeffraunce de Dieu Priour, etc. a son treschier et bien amez en Dieu Johan Josep Maire de Douvre, salutz, etc. Pur ceo qe nostre Seint Piere en Dieu Jon la Apostoill qore est, nous ad especialement maunde, par ses bulles, come al principal executour pur les trasoignes Sire Jon de Notynghamme persone del esglise de Bocklonde, de lui faire restitucion de sa dite esglise, ensemblement ove toutz les profitz qe sont venuz a la dite esglise, del temps qe la dit Sire Jon ad este aforce forsbarre de son droit, com pleinere-ment piert par ses bulles et par son proces de la dite Court de Rome; nous avoms entendu qe noz subĒstitute et les subexecutours la dite persone nosent approchier Douvre, ne a sa dite esglise venier affaire execucion de bulles le dit Pape, pur doute de manaces qe ascun gent de la ville de Douvre unt fait par proĒcurement de ses adversaires, agrant peril de eaux et de toutz yceux qi sont desobeysantz et desturbantz les maundementz le dit Pape; vous prioms, si chiere-ment come nous pooms, qe vous voillez estre aidant, et suffrier qe ley et resoun soit fait an dit Sire Jon, et desturbier le malice de ceux qe folement se med-lent a desturbier lestat de Seint Esglise endroit de ceste cause, issint qe la dite persone puisse salve-ment veniex ovesqe ses subexecutours et demonstrier ses bulles, et ses choses qil ad pur luy del dit Appostoill a pronuncier et declarier en Engleys, come apent, et prendre sa restitucion de sa dite esglise, et parfourmier? la volunte nostre Seignur le dit Pape, a cui nous sumes toutz tenuz obeyer et humilier devoutement. Ceo qest fait en droit de ceste busoigne nous voillez, quant temps vendra, certifier par ascun entre-venant. A Dieu, etc.
Hold the cursor over a tag to view its description or view the full tagset.


Richard par la soeffraunce de Dieu Priour, etc. a son treschier{ADJ+MA+TMA} et bien amez{ADJ+MA+TMA} en Dieu Johan Josep Maire de Douvre, salutz, etc. Pur ceo qe nostre Seint Piere en Dieu Jon la Apostoill qore est, nous{1+PL+NEU+IND+OBJ+VF} ad especialement maunde, par ses bulles, come al{CON} principal{ADJ+MA+TMA} executour pur les trasoignes Sire Jon de Notynghamme persone del esglise de Bocklonde, de lui{3+SG+WK+IND+OBJ+VNF} faire{INF+RE+TRE} restitucion de sa{FE+TFE} dite{ADJ+FE+TFE} esglise, ensemblement ove toutz{ADJ+MA+TMA} les profitz qe sont venuz a la dite{ADJ+FE+TFE} esglise, del{CON} temps qe la{FE+TMA} dit{ADJ+MA+TMA} Sire Jon ad este aforce forsbarre de son{MA+TMA} droit, com pleinere-ment piert par ses bulles et par son{MA+TMA} proces de la dite{ADJ+FE+TFE} Court de Rome; nous{1+PL+NEU+SBJ} avoms entendu qe noz subĒstitute et les subexecutours la dite{ADJ+FE+TFE} persone nosent approchier{INF+ER+TIER} Douvre, ne a sa{FE+TFE} dite{ADJ+FE+TFE} esglise venier{INF+IER+TIR} affaire{INF+RE+TRE} execucion de bulles le dit{ADJ+MA+TMA} Pape, pur doute de manaces qe ascun{ADJ+MA+TFE} gent de la ville de Douvre unt fait par proĒcurement de ses adversaires, agrant{ADJ+MA+TMA} peril de eaux et de toutz yceux qi sont desobeysantz et desturbantz les maundementz le dit{ADJ+MA+TMA} Pape; vous{2+PL+NEU+DIR+OBJ+VF} prioms, si chiere-ment come nous{1+PL+NEU+SBJ} pooms, qe vous{2+PL+NEU+SBJ} voillez estre aidant, et suffrier{INF+IER+TIR} qe ley et resoun soit fait an dit{ADJ+MA+TMA} Sire Jon, et desturbier le malice de ceux qe folement se med-lent a desturbier lestat de Seint{ADJ+MA+TFE} Esglise endroit de ceste{ADJ+FE+TFE} cause, issint qe la dite{ADJ+FE+TFE} persone puisse salve-ment veniex ovesqe ses subexecutours et demonstrier ses bulles, et ses choses qil{3+SG+WK+SBJ} ad pur luy del{CON} dit{ADJ+MA+TMA} Appostoill a pronuncier et declarier en Engleys, come apent, et prendre{INF+RE+TRE} sa restitucion de sa dite{ADJ+FE+TFE} esglise, et parfourmier? la volunte nostre Seignur le dit Pape, a cui nous{1+PL+NEU+SBJ} sumes toutz{ADJ+MA+TMA} tenuz obeyer{INF+EYER+TEIR} et humilier devoutement. Ceo qest fait en droit de ceste{ADJ+FE+TFE} busoigne nous{1+PL+NEU+IND+OBJ+VF} voillez, quant temps vendra, certifier par ascun{ADJ+MA+TMA} entre-venant. A Dieu, etc.

Choose Letter