Anglo-Norman Correspondence Corpus

Letter: Cantuarienses-547

Sender:Prior Richard
Addressee:John Doo
Date:9th Aug 1333
 
Sample:Literae Cantuarienses: the letter books of the monastery of Christ Church, Canterbury Edited by J. Brigstocke Sheppard. (1887-1889 :London : Eyre & Spottiswoode)
Volume:Vol. II
Page:62



Salutz, etc. Com la terine qe vous avez en nostre maner de West Merseye soit ja approchant a la fyn, a la Seint Michel proschein avener, et vous, solom les covenantz desur ceo tailles, meisme le Maner en toutes choses, com en blees et en estor, aumeynz solom ceo qe vous la receutes, en tien manere les devez sus rendre, et tout soit ensi qe les blees dedeins meisme le maner cressantz sont enmuriz, et mestier fuist qo ascun se entremeit de les faire entrer, par doute de perier, vous ne vous ent(re)medlez point, com faire duissez, a ceo qe nous est fait entendont, de quey nous emmervoilloms molt, pur quey nous vous prioms qe, vewes cestes, nous facez assavoir hastivement ceo qe vous enpensez faire, issint toutes voies qe si vous ne veullez emprendre la charge de les faire entrer a voz coustages, solom ceo qe vous estes tenuz, nous remandez vos lettres patentes, donant poair a nous de ceo faire en vostre noun, tant qe nous puissoms entreparler de ditz covenantz. A Dieu, etc. Escript a Caunterbire le ixe jour de Augst.
Hold the cursor over a tag to view its description or view the full tagset.


Salutz, etc. Com la terine qe vous{2+PL+NEU+SBJ} avez en nostre maner de West Merseye soit ja approchant a la fyn, a la Seint Michel proschein{ADJ+MA+TFE} avener{INF+ER+TIR}, et vous{2+PL+NEU+SBJ}, solom les covenantz desur ceo tailles, meisme le Maner en toutes{ADJ+FE+TFE} choses, com en blees et en estor, aumeynz solom ceo qe vous{2+PL+NEU+SBJ} la receutes, en tien{ADJ+MA+TFE} manere les{3+PL+WK+DIR+OBJ+VF} devez sus rendre, et tout soit ensi qe les blees dedeins meisme le maner cressantz sont enmuriz, et mestier fuist qo ascun se entremeit de les{3+PL+WK+DIR+OBJ+VNF+UNC} faire{INF+RE+TRE} entrer, par doute de perier{INF+ER+TIR}, vous{2+PL+NEU+SBJ} ne vous{2+PL+NEU+DIR+OBJ+VF} ent(re)medlez point, com faire duissez, a ceo qe nous est fait entendont, de quey nous{1+PL+NEU+SBJ} emmervoilloms molt, pur quey nous{1+PL+NEU+SBJ} vous{2+PL+NEU+DIR+OBJ+VF} prioms qe, vewes cestes, nous{1+PL+NEU+DIR+OBJ+VF} facez assavoir hastivement ceo qe vous{2+PL+NEU+SBJ} enpensez faire{INF+RE+TRE}, issint toutes{ADJ+FE+TFE} voies qe si vous{2+PL+NEU+SBJ} ne veullez emprendre{INF+RE+TRE} la charge de les{3+PL+WK+DIR+OBJ+VNF+UNC} faire{INF+RE+TRE} entrer a voz coustages, solom ceo qe vous{2+PL+NEU+SBJ} estes tenuz, nous{1+PL+NEU+IND+OBJ+VF} remandez vos lettres patentes, donant poair a nous{1+PL+NEU+PREP+OBJ+VNF} de ceo faire en vostre noun, tant qe nous{1+PL+NEU+SBJ} puissoms entreparler de ditz{ADJ+MA+TMA} covenantz. A Dieu, etc. Escript a Caunterbire le ixe jour de Augst.

Choose Letter