Anglo-Norman Correspondence Corpus

Letter: Grandisson-094

Sender:John de Grandisson
Addressee:Sir Hugo de Courtenay
Date:27th Jan., 1329
 
Sample:The Register of John de Grandisson, ed. by F. Hingeston-Randolph, London, George Bell, 1894
Volume:
Page:



Saluz ove la beniscoun de Dieu et la nostre, ove aprise de piere et amour de mere.-Nous avoms, Sire, resceu voz Letres, par les queles nous avoms bien entendu, solom nostre petit sen, vostre grant sen. E endroit, Sire, du mariage vostre fille et dacquiter le Testament vostre mere, molt sumes liee de quoer de si parfites oevres. Par quoy, Sire, nous vous tenoms, qant a nous, vostre Pier, estre excuse de habundaunte filiele charite cy et devant Dieu. Des autres choses qe vous nous escryves; purceo, Sire, qe vous estes sage, coment qe ly Sage doyne double consail de respoundre a tieux, il nous semble qe nous devoms tenir le deroyn qant a ore. En droyt de ceo qe noz Clers, ou les voz peraventure come mez qydoms, dyent qe nous avoms fet une graunde quillete entre eaux, qele chose nul Evesque ne fist avant ces hores; dount le people qyde, come vous dites, qe nous avoms grande aver; nous nous enmerŞveyloms de vostre grant saver, qar qey qe len die verite ne se musce mye. Et vous, Sire, si vous plest, poez saver, et tot le poeple siet, qe unqes nul Evesque avant nous ne trova cest Eveschee si destrute de totes pars, ne si endette, come nous avoms ore fet, -Dieu set sans nostre pecche. E nepurqant, coment qe nous par grand damage et travayl du corps avoms amenuse merveylousement, par leyde nostre bone Dame, cele summe, loialment, totte la quillete ne se estent a la meiste du remenant. E nepurqant, Sire, Deu et reson volent et comaundent qe les bons fiz, solum lour power, eydent lour pere et mere a mester, coment qe les denaturels ne le font mye, e les altres poy ou nient. Mes ceo ne dyoms mye pur nous; qar nous ne ent viveroms mie, ne en nostre boche ne entera, mes de nostre plus issera. E nepurquant a ceste Charge fumes apelle come Aaron, et ne le ravymes mye come les filz Chore. Quant a cele summe, Sire, qe vous aprestastes a nostre Predecessour, Levesque James, qe Dieux assoille, pur overe de charite, sil ne vous paie en deners en ceste secle, vous esperez, comme nous quidoms, de trover le tresor par ses prieres en Cel. De rechef de ceo qe vostre savoyr dit a nostre foliez, qe bon est de comencer vivere du nostre et menement, nostre court sen ne lentent mye clerement si vous par aventure ne nous surmettez qe nous avoms, avant ces houres, vesqy dautruy ou en menducant ou emblaunt; de queles maneres de vivre nous quidoms, al eide de Dieu, qe nous nous puissoms devant Dieu et le mounde quyter, e touz noz Auncestres. Quant a menement vivre ; al eyde de Dieu, nostre Purveyour, Qy donne a jumens lour viande e as poucyns de corbyns a Ly criaunde, nous esperoms qe Il ne faudra mie a Soun servant; qar, come Il nous promist, Cely Qe ad done le corps e lalme Il dora vesture e viaunde; e plus ne desiroms nous mye, ove Sa grace, en cest mounde. Dautre part vostre Discrecioun dit qe nous dussoms faire droyture e grace a riches et povres ; de quel consail nous vous mercioms de quoer; e esprooms, par la grace de nostre Creatour et Governour, qe solom nostre petit poaer e saveir lavons fait, et par seyde tojours le feroms de meiuz en meiuz. E de voz bones aprises et voz jugemens en la fyn de vostre Lettre; coment qe les fiz de Dieu ne de Seynte Eglise ne deivont, ne ne poont, aprendre ne juger lour Mestres ne lour Peres Espiritualx, nous vous mercioms et pardonoms. E qant a la singulerete qe vous nous surmettez, dioms qe pleysse a Dieu e a la Virge singulere qe nous seyoms en bien singuler et sengle, et ne mye double come ly seclesages. Quant a nous demonstrer sovent pur conforter les almes, plese a Dieu qe Sa Volunte et ne mie nous possoms a eaux deŞmonstrer. Quant a touz escoter; saches, Sire, qe il nous faudrayount oures et orayles; et nepurqant Jetro dit a Moyses qe il se gasteroyt ensi sanz resoun, et ly dona autre consal, qe est esprovez par nos Seynz Peres en Dieu, de crere, de leger, et tost conceyvre, et tard jugement doner, pur avis aver, le mestre qe nous aprent, et de nous si de leger mal creit et tost conceyt qele chose il ne seit ne ne veyt, et sanz avys aver a tort nous voet jugger, primes deveroyt de son oyl le trefe en gitier, et pus de lautri buchete oster. Cestes choses dioms pur nostre fiz si bon soyt aprendre, et si autre soyt a reprendre; qar, coment qe nous seyoms en age plus tendre, nous savoms sil covent de tuz nos faitz raison rendre. E voillez, Sire, entendre qe nous avoms si longement a les escoles de Clers et de Prelatz apris nostre lescon rendre qe nous ne devoms de celes sciences en autre escole licences prendre. Par qey vous, Sire, nous devez pardoner, si Prelat ne voyse a lescole de Chivaler; qar Seint Poul dit qe Spiritualis omnia judicat et a nemine judicatur. Le Ben del Seint Espirit garde vostre saver et vostre aver ! -Escriptes a nostre Manoir de Chuddeleghe, le Vendredi apres la Conversioun de Seint Poul, lan de nostre Sacre seconde.
Hold the cursor over a tag to view its description or view the full tagset.


Saluz ove la beniscoun de Dieu et la nostre, ove aprise de piere et amour de mere.-Nous{1+PL+NEU+SBJ} avoms, Sire, resceu voz Letres, par les queles{ADJ+FE+TFE} nous{1+PL+NEU+SBJ} avoms bien entendu, solom nostre petit{ADJ+MA+TMA} sen, vostre grant{ADJ+MA+TMA} sen. E endroit, Sire, du mariage vostre fille et dacquiter le Testament vostre mere, molt sumes liee de quoer de si parfites{ADJ+FE+TFE} oevres. Par quoy, Sire, nous{1+PL+NEU+SBJ} vous{2+PL+NEU+DIR+OBJ+VF} tenoms, qant a nous, vostre Pier, estre{INF+RE+TRE} excuse de habundaunte{ADJ+FE+TFE} filiele{ADJ+FE+TFE} charite cy et devant Dieu. Des autres choses qe vous{2+PL+NEU+SBJ} nous{1+PL+NEU+IND+OBJ+VF} escryves; purceo, Sire, qe vous{2+PL+NEU+SBJ} estes sage, coment qe ly Sage doyne double consail de respoundre{INF+RE+TRE} a tieux, il{3+SG+WK+IMP+SBJ} nous{1+PL+NEU+IND+OBJ+VF} semble qe nous{1+PL+NEU+SBJ} devoms tenir{INF+IR+TIR} le deroyn qant a ore. En droyt de ceo qe noz Clers, ou les voz peraventure come mez qydoms, dyent qe nous{1+PL+NEU+SBJ} avoms fet une graunde{ADJ+FE+TFE} quillete entre eaux, qele{ADJ+FE+TFE} chose nul{ADJ+MA+TMA} Evesque ne fist avant ces{ADJ+MA+TFE} hores; dount le people qyde, come vous{2+PL+NEU+SBJ} dites, qe nous{1+PL+NEU+SBJ} avoms grande{ADJ+FE+TMA} aver; nous{1+PL+NEU+SBJ} nous{1+PL+NEU+DIR+OBJ+VF} enmerŞveyloms de vostre grant{ADJ+MA+TMA} saver, qar qey qe len die verite ne se musce mye. Et vous{2+PL+NEU+SBJ}, Sire, si vous plest, poez saver, et tot{ADJ+MA+TMA} le poeple siet, qe unqes nul{ADJ+MA+TMA} Evesque avant nous ne trova cest{ADJ+MA+TMA} Eveschee si destrute{ADJ+FE+TMA} de totes{ADJ+FE+TFE} pars, ne si endette{ADJ+MA+TMA}, come nous{1+PL+NEU+SBJ} avoms ore fet, -Dieu set sans nostre pecche. E nepurqant, coment qe nous{1+PL+NEU+SBJ} par grand{ADJ+MA+TMA} damage et travayl du corps avoms amenuse merveylousement, par leyde nostre bone{ADJ+FE+TFE} Dame, cele summe, loialment, totte{ADJ+FE+TFE} la quillete ne se estent a la meiste du remenant. E nepurqant, Sire, Deu et reson volent et comaundent qe les bons{ADJ+MA+TMA} fiz, solum lour power, eydent lour pere et mere a mester, coment qe les denaturels ne le{3+SG+WK+DIR+OBJ+VF} font mye, e les altres poy ou nient. Mes ceo ne dyoms mye pur nous; qar nous{1+PL+NEU+SBJ} ne ent{EN+VF} viveroms mie, ne en nostre boche ne entera, mes de nostre plus issera. E nepurquant a ceste{ADJ+FE+TFE} Charge fumes apelle come Aaron, et ne le{3+SG+WK+DIR+OBJ+VF} ravymes mye come les filz Chore. Quant a cele{ADJ+FE+TFE} summe, Sire, qe vous{2+PL+NEU+SBJ} aprestastes a nostre Predecessour, Levesque James, qe Dieux assoille, pur overe de charite, sil{3+SG+WK+SBJ} ne vous{2+PL+NEU+DIR+OBJ+VF} paie en deners en ceste{ADJ+FE+TMA} secle, vous{2+PL+NEU+SBJ} esperez, comme nous{1+PL+NEU+SBJ} quidoms, de trover le tresor par ses prieres en Cel. De rechef de ceo qe vostre savoyr dit a nostre foliez, qe bon est de comencer vivere{INF+ERE+TRE} du nostre et menement, nostre court{ADJ+MA+TMA} sen ne lentent mye clerement si vous{2+PL+NEU+SBJ} par aventure ne nous{1+PL+NEU+DIR+OBJ+VF} surmettez qe nous{1+PL+NEU+SBJ} avoms, avant ces{ADJ+MA+TFE} houres, vesqy dautruy ou en menducant ou emblaunt; de queles maneres de vivre{INF+RE+TRE} nous{1+PL+NEU+SBJ} quidoms, al{CON} eide de Dieu, qe nous{1+PL+NEU+SBJ} nous{1+PL+NEU+DIR+OBJ+VF} puissoms devant Dieu et le mounde quyter, e touz noz Auncestres. Quant a menement vivre{INF+RE+TRE} ; al{CON} eyde de Dieu, nostre Purveyour, Qy donne a jumens lour viande e as{CON} poucyns de corbyns a Ly{3+SG+STR+DIR+OBJ+VF} criaunde, nous{1+PL+NEU+SBJ} esperoms qe Il{3+SG+WK+SBJ} ne faudra mie a Soun servant; qar, come Il{3+SG+WK+SBJ} nous{1+PL+NEU+IND+OBJ+VF} promist, Cely Qe ad done le corps e lalme Il{3+SG+WK+IND+OBJ+VF} dora vesture e viaunde; e plus ne desiroms nous{1+PL+NEU+SBJ} mye, ove Sa{FE+TFE} grace, en cest{ADJ+MA+TMA} mounde. Dautre part vostre Discrecioun dit qe nous{1+PL+NEU+SBJ} dussoms faire droyture e grace a riches et povres ; de quel{ADJ+MA+TMA} consail nous{1+PL+NEU+SBJ} vous{2+PL+NEU+DIR+OBJ+VF} mercioms de quoer; e esprooms, par la grace de nostre Creatour et Governour, qe solom nostre petit{ADJ+MA+TMA} poaer e saveir lavons{3+SG+WK+DIR+OBJ+VF} fait, et par seyde tojours le{3+SG+WK+DIR+OBJ+VF} feroms de meiuz en meiuz. E de voz bones{ADJ+FE+T} aprises et voz jugemens en la fyn de vostre Lettre; coment qe les fiz de Dieu ne de Seynte Eglise ne deivont, ne ne poont, aprendre{INF+RE+TRE} ne juger lour Mestres ne lour Peres Espiritualx, nous{1+PL+NEU+SBJ} vous{2+PL+NEU+DIR+OBJ+VF} mercioms et pardonoms. E qant a la singulerete qe vous{2+PL+NEU+SBJ} nous{1+PL+NEU+IND+OBJ+VF} surmettez, dioms qe pleysse a Dieu e a la Virge singulere{ADJ+FE+TFE} qe nous{1+PL+NEU+SBJ} seyoms en bien singuler et sengle, et ne mye double come ly seclesages. Quant a nous demonstrer sovent pur conforter les almes, plese a Dieu qe Sa{FE+TFE} Volunte et ne mie nous{1+PL+NEU+SBJ} possoms a eaux{3+PL+STR+PREP+OBJ+VF} deŞmonstrer. Quant a touz escoter; saches, Sire, qe il{3+SG+WK+IMP+SBJ} nous{1+PL+NEU+DIR+OBJ+VF} faudrayount oures et orayles; et nepurqant Jetro dit a Moyses qe il{3+SG+WK+SBJ} se gasteroyt ensi sanz resoun, et ly{3+SG+WK+IND+OBJ+VF} dona autre consal, qe est esprovez par nos Seynz{ADJ+MA+TMA} Peres en Dieu, de crere{INF+ERE+TRE}, de leger, et tost conceyvre, et tard jugement doner, pur avis aver, le mestre qe nous{1+PL+NEU+IND+OBJ+VF} aprent, et de nous si de leger mal creit et tost conceyt qele{ADJ+FE+TFE} chose il{3+SG+WK+SBJ} ne seit ne ne veyt, et sanz avys aver a tort nous{1+PL+NEU+DIR+OBJ+VF} voet jugger, primes deveroyt de son{MA+TMA} oyl le trefe en gitier, et pus de lautri buchete oster. Cestes{ADJ+FE+TFE} choses dioms pur nostre fiz si bon soyt aprendre{INF+RE+TRE}, et si autre soyt a reprendre{INF+RE+TRE}; qar, coment qe nous{1+PL+NEU+SBJ} seyoms en age plus tendre, nous{1+PL+NEU+SBJ} savoms sil{3+SG+WK+IMP+SBJ} covent de tuz{ADJ+MA+TMA} nos faitz raison rendre{INF+RE+TRE}. E voillez, Sire, entendre{INF+RE+TRE} qe nous{1+PL+NEU+SBJ} avoms si longement a les{UNC} escoles de Clers et de Prelatz apris nostre lescon rendre{INF+RE+TRE} qe nous{1+PL+NEU+SBJ} ne devoms de celes{ADJ+FE+TFE} sciences en autre escole licences prendre{INF+RE+TRE}. Par qey vous{2+PL+NEU+SBJ}, Sire, nous{1+PL+NEU+DIR+OBJ+VF} devez pardoner, si Prelat ne voyse a lescole de Chivaler; qar Seint Poul dit qe Spiritualis omnia judicat et a nemine judicatur. Le Ben del Seint Espirit garde vostre saver et vostre aver ! -Escriptes a nostre Manoir de Chuddeleghe, le Vendredi apres la Conversioun de Seint Poul, lan de nostre Sacre seconde{ADJ+FE+TMA}.

Choose Letter