Anglo-Norman Correspondence Corpus

Letter: Grandisson-095

Sender:John de Grandisson
Addressee:Lady de Courtenay
Date:1329
 
Sample:The Register of John de Grandisson, ed. by F. Hingeston-Randolph, London, George Bell, 1894
Volume:
Page:



'Saluz come a nostre quor de meine, ove la beniscun de Dieu et la nostre.-Sachez, treschere Chosine, qe nous priames, l'autre jour, nostre chere fiz, vostre Seignur, pur asaier sa bone volunte vers nous de une priere, qele nous qydoms qe vous bien savez. E il nous respondy en sey excusant ore qant a cele besoyne; de qele excusacioun nous fumes et sumes bien paye. Mes pur ceo qe il nous escripte autres resouns solum sa Segnurele volunte, nous ly respondoms derechef; qar il nous poyse molt qe, comment qe il seyt sage, il se tent meymes tropsage et autres trop fous; qele chose nest pas signe saver; qar len dyt en Fraunce qe nul nest fol qe ne quide estre sage. Et nous esperoms, chere Chosine, par la grace de Dieu et leyde Sa Bone Mere, qe nous ne sumes mye si a reprendre ne aprendre come il nous fet entendre. E, coment qe nous poy savoms e valoms, nous sumes nepurqant Prestre et Evesque e soun Pere en Dieu, en vie e mort. Mes nepurqant sachez de voirs qe nous ne sumes pur ceo ren mal paye ne mieu de quoer; qar nous entendoms qe il le fit pour bien, coment qe nul ne doyt de leger, crere, ne dire mal de Evesuqe, pur le peril qe ent vient al alme contre Dieu, Qi Ministre il est; qar nul ne doyt fere autre pecche le seon. Chere Cosine, le Seynt Esperit vous garde!
Hold the cursor over a tag to view its description or view the full tagset.


'Saluz come a nostre quor de meine, ove la beniscun de Dieu et la nostre.-Sachez, treschere{ADJ+FE+TFE} Chosine, qe nous{1+PL+NEU+SBJ} priames, l'autre jour, nostre chere{ADJ+FE+TMA} fiz, vostre Seignur, pur asaier sa{FE+TFE} bone{ADJ+FE+TFE} volunte vers nous de une priere, qele nous{1+PL+NEU+SBJ} qydoms qe vous{2+PL+NEU+SBJ} bien savez. E il{3+SG+WK+SBJ} nous{1+PL+NEU+IND+OBJ+VF} respondy en sey{3+SG+STR+REF+DIR+OBJ+VNF} excusant ore qant a cele{ADJ+FE+TFE} besoyne; de qele excusacioun nous{1+PL+NEU+SBJ} fumes et sumes bien paye. Mes pur ceo qe il{3+SG+WK+SBJ} nous{1+PL+NEU+IND+OBJ+VF} escripte autres resouns solum sa{FE+TFE} Segnurele{ADJ+FE+TFE} volunte, nous{1+PL+NEU+SBJ} ly{3+SG+WK+IND+OBJ+VF} respondoms derechef; qar il{3+SG+WK+IMP+SBJ} nous{1+PL+NEU+DIR+OBJ+VF} poyse molt qe, comment qe il{3+SG+WK+SBJ} seyt sage, il{3+SG+WK+SBJ} se tent meymes tropsage et autres trop fous; qele{ADJ+FE+TFE} chose nest pas signe saver; qar len dyt en Fraunce qe nul nest fol qe ne quide estre sage. Et nous{1+PL+NEU+SBJ} esperoms, chere{ADJ+FE+TFE} Chosine, par la grace de Dieu et leyde Sa Bone{ADJ+FE+TFE} Mere, qe nous{1+PL+NEU+SBJ} ne sumes mye si a reprendre{INF+RE+TRE} ne aprendre{INF+RE+TRE} come il{3+SG+WK+SBJ} nous{1+PL+NEU+DIR+OBJ+VF} fet entendre{INF+RE+TRE}. E, coment qe nous{1+PL+NEU+SBJ} poy savoms e valoms, nous{1+PL+NEU+SBJ} sumes nepurqant Prestre et Evesque e soun Pere en Dieu, en vie e mort. Mes nepurqant sachez de voirs qe nous{1+PL+NEU+SBJ} ne sumes pur ceo ren mal paye ne mieu de quoer; qar nous{1+PL+NEU+SBJ} entendoms qe il{3+SG+WK+SBJ} le{3+SG+WK+DIR+OBJ+VF} fit pour bien, coment qe nul ne doyt de leger, crere{INF+ERE+TRE}, ne dire{INF+RE+TRE} mal de Evesuqe, pur le peril qe ent{EN+VF} vient al alme contre Dieu, Qi Ministre il{3+SG+WK+SBJ} est; qar nul ne doyt fere{INF+ERE+TAIRE} autre pecche le seon. Chere{ADJ+FE+TFE} Cosine, le Seynt Esperit vous{2+PL+NEU+DIR+OBJ+VF} garde!

Choose Letter