Anglo-Norman Correspondence Corpus

Letter: Grandisson-213

Sender:John de Grandisson
Addressee:The prioress and convent of Canonsleigh
Date:1332
 
Sample:The Register of John de Grandisson, ed. by F. Hingeston-Randolph, London, George Bell, 1894
Volume:
Page:



Saluz, ove la beneicon et la grace Jhesu Criste et Sa douce Miere, et la nostre. - Trescheres et tresamees Filles et Soers en Dieu, -Nous avoms entendu bien vostre Letre et vostre propre volunte, dount nous avoms grant doel et tristour de cuer, de ceo qe nous veoms bien qe vous nestes pas si religiouses come apartendreit. Qar il nous semble qe les deux poyntz principaus vous faillount, cest asavoir veroie obedience et nient propre, qar vous elisez vostre propre volunte, quiele soule, solonc Seint Augustin, vostre Mestre, ardera en enfer; et auxi contredites priveement, come il piert, a obedience de vostre Prelat, puis qe nous vous mandasmes un prodomme solonc nostre entencion, et qi est de vostre Reule profes, et qerez un autre, qi nous ne plest mie; purceo qil ad usurpe avant meyn et perdu de droit ceo a qoi il se haste trop. Mes puis qe issi est entre ceo et qe Dieu vous consaille meutz pur la duresce de vostre queor, come fit Moises au Poeple de Israel en suffrant le lybel de repudie pur plus grant mal eschure, nous vous granteroms un autre en Religion de cel Ordre ou dautre, ou un prodomme seculer persone, ou prestre preschein de vous quiel vous vodriez, issi qe vous puissez eslire ou cesti quiel nous vous avoms assigne, ou celui quiel meutz vous plerra; qar Dieu nest pas acceptour de persone. Dautrepart il nous semble qe ceo serroit bon qe vostre Confessour ne seust ne ne conusse par vewe quiele vensist a confessioun ou quiele noun, mesque il eust le visage covert, et cele auxi quiele se confesse venge si celement qele ne soit conue dautre, issi qil jugge plus par oyer qe par veer, come esperital jugement doit estre fait. Et nous prioms a Dieu qe, solonc le Apostle, vous meismes juggez issi qe vous ne soiez jugge ne dampne. Priez pur nous, qar leaument nous serroms prest et lee de faire chose qe vous plust et eidast a vostre solaz en Dieu. Le Seint Esperit vous aprenge et enfourme de Sa Volunte, qe vous la facez de bon cuer et profit. Amen. Escriptes, etc.
Hold the cursor over a tag to view its description or view the full tagset.


Saluz, ove la beneicon et la grace Jhesu Criste et Sa douce{ADJ+FE+TFE} Miere, et la nostre. - Trescheres{ADJ+FE+TFE} et tresamees{ADJ+FE+TFE} Filles et Soers en Dieu, -Nous{1+PL+NEU+SBJ} avoms entendu bien vostre Letre et vostre propre volunte, dount nous{1+PL+NEU+SBJ} avoms grant{ADJ+MA+TMA} doel et tristour de cuer, de ceo qe nous{1+PL+NEU+SBJ} veoms bien qe vous{2+PL+NEU+SBJ} nestes pas si religiouses{ADJ+FE+TFE} come apartendreit. Qar il{3+SG+WK+IMP+SBJ} nous{1+PL+NEU+IND+OBJ+VF} semble qe les deux poyntz principaus{ADJ+MA+TMA} vous{2+PL+NEU+DIR+OBJ+VF} faillount, cest asavoir veroie{ADJ+FE+TFE} obedience et nient propre, qar vous{2+PL+NEU+SBJ} elisez vostre propre volunte, quiele{ADJ+FE+TFE} soule, solonc Seint Augustin, vostre Mestre, ardera en enfer; et auxi contredites priveement, come il{3+SG+WK+SBJ} piert, a obedience de vostre Prelat, puis qe nous{1+PL+NEU+SBJ} vous{2+PL+NEU+IND+OBJ+VF} mandasmes un prodomme solonc nostre entencion, et qi est de vostre Reule profes, et qerez un autre, qi nous{1+PL+NEU+IND+OBJ+VF} ne plest mie; purceo qil{3+SG+WK+SBJ} ad usurpe avant meyn et perdu de droit ceo a qoi il{3+SG+WK+SBJ} se haste trop. Mes puis qe issi est entre ceo et qe Dieu vous{2+PL+NEU+DIR+OBJ+VF} consaille meutz pur la duresce de vostre queor, come fit Moises au Poeple de Israel en suffrant le lybel de repudie pur plus grant{ADJ+MA+TMA} mal eschure{INF+URE+TOIR}, nous{1+PL+NEU+SBJ} vous{2+PL+NEU+IND+OBJ+VF} granteroms un autre en Religion de cel Ordre ou dautre, ou un prodomme seculer{ADJ+MA+TFE} persone, ou prestre preschein{ADJ+MA+TMA} de vous quiel vous{2+PL+NEU+SBJ} vodriez, issi qe vous{2+PL+NEU+SBJ} puissez eslire{INF+RE+TRE} ou cesti quiel nous{1+PL+NEU+SBJ} vous{2+PL+NEU+IND+OBJ+VF} avoms assigne, ou celui quiel meutz vous{2+PL+NEU+IND+OBJ+VF} plerra; qar Dieu nest pas acceptour de persone. Dautrepart il{3+SG+WK+IMP+SBJ} nous{1+PL+NEU+IND+OBJ+VF} semble qe ceo serroit bon qe vostre Confessour ne seust ne ne conusse par vewe quiele vensist a confessioun ou quiele noun, mesque il{3+SG+WK+SBJ} eust le visage covert{ADJ+MA+TMA}, et cele auxi quiele se confesse venge si celement qele{3+SG+WK+SBJ} ne soit conue dautre, issi qil{3+SG+WK+SBJ} jugge plus par oyer{INF+ER+TIR} qe par veer, come esperital{ADJ+MA+TMA} jugement doit estre{INF+RE+TRE} fait. Et nous{1+PL+NEU+SBJ} prioms a Dieu qe, solonc le Apostle, vous{2+PL+NEU+SBJ} meismes juggez issi qe vous{2+PL+NEU+SBJ} ne soiez jugge ne dampne. Priez pur nous, qar leaument nous{1+PL+NEU+SBJ} serroms prest et lee de faire{INF+RE+TRE} chose qe vous{2+PL+NEU+IND+OBJ+VF} plust et eidast a vostre solaz en Dieu. Le Seint{ADJ+MA+TMA} Esperit vous{2+PL+NEU+IND+OBJ+VF} aprenge et enfourme de Sa{FE+TFE} Volunte, qe vous{2+PL+NEU+SBJ} la{3+SG+WK+DIR+OBJ+VF} facez de bon{ADJ+MA+TMA} cuer et profit. Amen. Escriptes, etc.

Choose Letter