Anglo-Norman Correspondence Corpus

Letter: Grandisson-264

Sender:John de Grandisson
Addressee:Earl of Devonshire
Date:3rd November 1340
 
Sample:The Register of John de Grandisson, ed. by F. Hingeston-Randolph, London, George Bell, 1894
Volume:
Page:



Saluz en Jhesu Crist, ovesque Sa grace et Sa beneiceoun. Trescher Sire, -Nous avoms resceu y ceo Jeodi, dedeinz la noet, certeynes Letres et certeynes novelles de nostre Frere, le Counte de Sarum, et de lestat de par de la, come Maistre Beneit de Pastone, vostre Clerke, vous savera meutz et plus pleynement dire qe nous ne vous pooms escrire. Dautrepart, trescher Sire, pur ceo qe nous avoms entenduz qe vous estes feble de corps, come nous sumes, nous desiroms mout, et prioms a Dieu chescun jour, qe vous et nous puissoms Sa volente faire, et nostre propre volente lesser. Nous vous prioms en charite, et vous consailloms come nous devoms faire a nostre filz en Jhesu Criste, qe vous et nous faceoms selonc qe Piere et fils devount faire espiritals, issint que nous quergeoms Son honur et Sa volente et ne mie la nostre. Et nous esperoms donqes qe tut se turnera a bien perdurable, coment que ceo soit de choses passeez. Et nous nous offroms, en tant come en nous estait de faire ceo qe a, nous pertient, et vous requeroms et consailloms, en le Noun de Jhesu Criste, qe mesme cele chose facez de vostre part, issint que Dieu nous donit al un et a lautre en Son Roialme part. Sur cestes choses, Sire, avoms enjoyngt le dit Maistre Beneit, sur son serment, de vous dire bonement et humblement nostre avys; a qi, sil vous plest, voillez pacientement et doucement oyer, et vostre volente dire come il vous plerra. Nous prioms a Dieu, treshonurable Sire, qil vous doint Sa volente perfaire. -Escrites a Chuddeleghe, le iij jour de Novembre.
Hold the cursor over a tag to view its description or view the full tagset.


Saluz en Jhesu Crist, ovesque Sa{FE+TFE} grace et Sa{FE+TFE} beneiceoun. Trescher{ADJ+MA+TMA} Sire, -Nous{1+PL+NEU+SBJ} avoms resceu y ceo Jeodi, dedeinz la noet, certeynes{ADJ+FE+TFE} Letres et certeynes{ADJ+FE+TFE} novelles de nostre Frere, le Counte de Sarum, et de lestat de par de la, come Maistre Beneit de Pastone, vostre Clerke, vous{2+PL+NEU+IND+OBJ+VF} savera meutz et plus pleynement dire{INF+RE+TRE} qe nous{1+PL+NEU+SBJ} ne vous{2+PL+NEU+IND+OBJ+VF} pooms escrire{INF+RE+TRE}. Dautrepart, trescher{ADJ+MA+TMA} Sire, pur ceo qe nous{1+PL+NEU+SBJ} avoms entenduz qe vous{2+PL+NEU+SBJ} estes feble de corps, come nous{1+PL+NEU+SBJ} sumes, nous{1+PL+NEU+SBJ} desiroms mout, et prioms a Dieu chescun{ADJ+MA+TMA} jour, qe vous{2+PL+NEU+SBJ} et nous{1+PL+NEU+SBJ} puissoms Sa{FE+TFE} volente faire{INF+RE+TRE}, et nostre propre volente lesser. Nous{1+PL+NEU+SBJ} vous{2+PL+NEU+INF+OBJ+VF} prioms en charite, et vous{2+PL+NEU+DIR+OBJ+VF} consailloms come nous{1+PL+NEU+SBJ} devoms faire{INF+RE+TRE} a nostre filz en Jhesu Criste, qe vous{2+PL+NEU+SBJ} et nous{1+PL+NEU+SBJ} faceoms selonc qe Piere et fils devount faire{INF+RE+TRE} espiritals, issint que nous{1+PL+NEU+SBJ} quergeoms Son honur et Sa{FE+TFE} volente et ne mie la nostre. Et nous{1+PL+NEU+SBJ} esperoms donqes qe tut se turnera a bien perdurable, coment que ceo soit de choses passeez{ADJ+FE+TFE}. Et nous{1+PL+NEU+SBJ} nous offroms, en tant come en nous estait de faire{INF+RE+TRE} ceo qe a, nous{1+PL+NEU+PREP+OBJ+VF} pertient, et vous{2+PL+NEU+DIR+OBJ+VF} requeroms et consailloms, en le Noun de Jhesu Criste, qe mesme cele{ADJ+FE+TFE} chose facez de vostre part, issint que Dieu nous{1+PL+NEU+IND+OBJ+VF} donit al{CON} un et a lautre en Son{MA+TMA} Roialme part. Sur cestes{ADJ+FE+TFE} choses, Sire, avoms enjoyngt le dit{ADJ+MA+TMA} Maistre Beneit, sur son{MA+TMA} serment, de vous dire{INF+RE+TRE} bonement et humblement nostre avys; a qi, sil{3+SG+WK+IMP+SBJ} vous{2+PL+NEU+IND+OBJ+VF} plest, voillez pacientement et doucement oyer, et vostre volente dire{INF+RE+TRE} come il{3+SG+WK+IMP+SBJ} vous{2+PL+NEU+IND+OBJ+VF} plerra. Nous prioms a Dieu, treshonurable Sire, qil{3+SG+WK+SBJ} vous{2+PL+NEU+IND+OBJ+VF} doint Sa{FE+TFE} volente perfaire{INF+RE+TRE}. -Escrites a Chuddeleghe, le iij jour de Novembre.

Choose Letter