Anglo-Norman Correspondence Corpus

Letter: Kellawe-191

Sender:Richard Kellaw
Addressee:Guy, Earl of Warwick
Date:11th November 1312
 
Sample:Registrum Palatinum Dunelmense Vol. 1, ed. T. Hardy, Rolls Series 62, Longman, London , 1873.
Volume:
Page:191



A noble homme et sage, et de grant honour, monsire Guy, counte de Warwik', Richard, par la suffrance de Deu, evesque de Duresme, et quant qu'il poet de bones priers, ove touz honours et reverencz. Sire cher, por coe qe le priour de Duresme, et les bones genz de nostre evesche, por commune assent, tant com nous esteuncs a Londres feisant frett' pur un certeine soume de deniers a sire Robert de Brus et soens, qui, sanz nuly esperner, volaint aver ars et destruytes tut le pais environ, par quele frette vostre pais de Chastel Bernard fust sauve, et vos genz dudit pais au paiement du dit frette, (et tut furent par coe de totes damages gardez,) ne volont aider ne doner; vous prioms chargement et requeroms, que a vostre conestable du Chastel Bernard, et as bones genz du wapentake de Sadberge, voillez escrivre, et mander que par le dit pais facent' eydement, comme nous et touz les autres du pais fesoms, et avoms fet, au paiement du dit frette. Et si riens voillez que faire poms fictablement nous voillez commander. Nostre Signour vous sauve et garde en bone vie et longe par sa mercie. Done a Midelham, le xj. jour de Novembre, l'an de nostre (Evesche) secunde.
Hold the cursor over a tag to view its description or view the full tagset.


A noble homme et sage, et de grant honour, monsire Guy, counte de Warwik', Richard, par la suffrance de Deu, evesque de Duresme, et quant qu'il{3+SG+WK+SBJ} poet de bones{ADJ+FE+TFE} priers, ove touz honours et reverencz. Sire cher, por coe qe le priour de Duresme, et les bones{ADJ+FE+TFE} genz de nostre evesche, por commune assent, tant com nous{1+PL+NEU+SBJ} esteuncs a Londres feisant frett' pur un certeine{ADJ+FE+TFE} soume de deniers a sire Robert de Brus et soens, qui, sanz nuly esperner, volaint aver{INF+ER+TOIR} ars et destruytes{ADJ+FE+TMA} tut le pais environ, par quele frette vostre pais de Chastel Bernard fust sauve, et vos genz dudit{ADJ+MA+TMA} pais au paiement du dit frette, (et tut furent par coe de totes{ADJ+FE+TMA} damages gardez,) ne volont aider{INF+ER+TER} ne doner{INF+ER+TER}; vous{2+PL+NEU+IND+OBJ+VF} prioms chargement et requeroms, que a vostre conestable du Chastel Bernard, et as bones{ADJ+FE+TFE} genz du wapentake de Sadberge, voillez escrivre{INF+RE+TRE}, et mander{INF+ER+TER} que par le dit{ADJ+MA+TMA} pais facent' eydement, comme nous{1+PL+NEU+SBJ} et touz les autres du pais fesoms, et avoms fet, au paiement du dit frette. Et si riens voillez que faire poms fictablement nous{1+PL+NEU+OBJ} voillez commander{INF+ER+TER}. Nostre Signour vous{2+PL+NEU+DIR+OBJ+VF} sauve et garde en bone{ADJ+FE+TFE} vie et longe{ADJ+FE+TFE} par sa{ADJ+FE+TFE} mercie. Done a Midelham, le xj. jour de Novembre, l'an de nostre (Evesche) secunde{ADJ+FE+TMA}.

Choose Letter