Anglo-Norman Correspondence Corpus

Letter: Kellawe-544

Sender:Richard Kellaw
Addressee:Walter de Goswick
Date:16th May 1314
 
Sample:Registrum Palatinum Dunelmense Vol. 1, ed. T. Hardy, Rolls Series 62, Longman, London , 1873.
Volume:
Page:544



Richard, par la suffrance de Dieu, evesque de Duresme, a son feal et bien ame, Wauter de Gosewyk', saluz od sa beneicion. Por ceo que plosours periles sunt avenuz, come nous avoms entendu, a divers chasteux en la Marche d'Escose, et sumes ja le meins enmeu d'autre resons, par quoy nous avoms baillez la garde de nostre chastiel de Norham, et del counte de mesme le lieu a nostre cher en Dieu, monsire Robert de Colevil', en qui descrecioun et loialte grant affiaunce avoms, a tenir et garder tant q'il nous plera; vous mandoms, enjoignante fermement, que le dit chastiel et le counte, ove les aportenance al dit monsire Robert sor tesmoignance de ceste lettre, liverez, quant de ceo serrez requis, ensemblement ove tous les biens et chatels qui a nous sunt en le dist chastiel, ou allours en le counte; et facez faire ainsement une endenture de totes choses qui livere li serrunt, par entre li et nous en nostre noun, issint q'il se grant estre oblige de rendre et faire restitucioun de mesme les choses enterement a nostre volunte. En tesmoignance de quele chose, nous vous avoms faites cestes noz lettres overtes, souz nostre prive seal, le sezsime jour de Maii, en nostre maner de Middelham, l'an de nostre sacre tierce.
Hold the cursor over a tag to view its description or view the full tagset.


Richard, par la suffrance de Dieu, evesque de Duresme, a son{ADJ+MA+TMA} feal et bien ame{ADJ+MA+TMA}, Wauter de Gosewyk', saluz od sa{ADJ+FE+TFE} beneicion. Por ceo que plosours periles sunt avenuz{ADJ+MA+TMA}, come nous{1+PL+NEU+SBJ} avoms entendu, a divers chasteux en la Marche d'Escose, et sumes ja le meins enmeu d'autre resons, par quoy nous{1+PL+NEU+SBJ} avoms baillez la garde de nostre chastiel de Norham, et del counte de mesme le lieu a nostre cher en Dieu, monsire Robert de Colevil', en qui descrecioun et loialte grant affiaunce avoms, a tenir{INF+IR+TIR} et garder{INF+ER+TER} tant q'il{3+SG+WK+IMP+SBJ} nous{1+PL+NEU+IND+OBJ} plera; vous{2+PL+NEU+DIR+OBJ+VF} mandoms, enjoignante fermement, que le dit{ADJ+MA+TMA} chastiel et le counte, ove les aportenance al dit{ADJ+MA+TMA} monsire Robert sor tesmoignance de ceste{ADJ+FE+TFE} lettre, liverez, quant de ceo serrez requis, ensemblement ove tous{ADJ+MA+TMA} les biens et chatels qui a nous{1+PL+NEU+PREP+OBJ} sunt en le dist{ADJ+MA+TMA} chastiel, ou allours en le counte; et facez faire ainsement une endenture de totes{ADJ+FE+TFE} choses qui livere li{3+SG+WK+IND+OBJ+VF} serrunt, par entre li{3+SG+STR+PREP+OBJ} et nous{1+PL+NEU+PREP+OBJ} en nostre noun, issint q'il{3+SG+WK+SBJ} se{3+SG+REF+DIR+OBJ} grant estre oblige de rendre et faire restitucioun de mesme les choses enterement a nostre volunte. En tesmoignance de quele{ADJ+FE+TFE} chose, nous{1+PL+NEU+SBJ} vous{2+PL+NEU+PREP+OBJ+VF} avoms faites cestes{ADJ+FE+TFE} noz lettres overtes{ADJ+FE+TFE}, souz nostre prive seal, le sezsime jour de Maii, en nostre maner de Middelham, l'an de nostre sacre tierce.

Choose Letter