Anglo-Norman Correspondence Corpus

Letter: Kellawe-588

Sender:Richard Kellaw
Addressee:William de Denum, Sir Geoffrey de Edenham, and Robert de Sokepath
Date:5th August 1314
 
Sample:Registrum Palatinum Dunelmense Vol. 1, ed. T. Hardy, Rolls Series 62, Longman, London , 1873.
Volume:
Page:588



Richard, par la suffrance de Dieu, evesque de Duresme, a ses foials et bien amez, William de Denum, sire Gefrei de Edenham, et Robert de Sokpath', et a chescun de eux, saluz etc. Come por certeignes enchesouns qui a ceo nous movent, eoms baille la garde de nostre chastel, et le counte de Norham, a monsire William Rydel, a tenir et faire a nostre volente, et avoms ordine que mesme celui se entremete de pleez tenir, terres a ferme lesser, et de totes autres choses faire que conestable et gardeins de les dits chastel et courte, en temps passe, soloincz les usages de celes parties, faire soleint, et entremettre; vous, mandoms fermement, que, endenture faite par entre vous, ou ascun de vous, et le dit monsire William, des armures et autres mortes garneisons, que la eincz sunt, et de quele endenture nous voloms pleinement estre certifie par vous, nostre dit chastel de Norham liverez al dit sire William, en la fourme avantdite, enprenant de lui covenable et suffisaunt seurete par ses lettres, ou en autre maner, soloinc ceo que vous veez que meutz soit a faire, que le dit chastel bien et sauvement gardera a nostre oeps, et mesme le chastel, od tote les choses q'il prendra de vous par la dite endenture, a nostre volente rendra, quant de ceo par noz lettres serra requis et demande. A Dieu. Done a Rychale, le v. jour de August, l'an de nostre sacre quarte.
Hold the cursor over a tag to view its description or view the full tagset.


Richard, par la suffrance de Dieu, evesque de Duresme, a ses foials et bien amez, William de Denum, sire Gefrei de Edenham, et Robert de Sokpath', et a chescun de eux, saluz etc. Come por certeignes{ADJ+FE+TFE} enchesouns qui a ceo nous{1+PL+NEU+OBJ} movent, eoms baille la garde de nostre chastel, et le counte de Norham, a monsire William Rydel, a tenir{INF+IR+TIR} et faire a nostre volente, et avoms ordine que mesme celui se{3+SG+REF+DIR+OBJ} entremete de pleez tenir{INF+IR+TIR}, terres a ferme lesser{INF+ER+TER}, et de totes{ADJ+FE+TFE} autres choses faire que conestable et gardeins de les dits{ADJ+MA+TMA} chastel et courte, en temps passe{ADJ+MA+TMA}, soloincz les usages de celes{ADJ+FE+TFE} parties, faire soleint, et entremettre{INF+RE+TRE}; vous{2+PL+NEU+DIR+OBJ+VF}, mandoms fermement, que, endenture faite{ADJ+FE+TFE} par entre vous{2+PL+NEU+PREP+OBJ}, ou ascun de vous{2+PL+NEU+PREP+OBJ}, et le dit{ADJ+MA+TMA} monsire William, des armures et autres mortes{ADJ+FE+TFE} garneisons, que la eincz sunt, et de quele{ADJ+FE+TFE} endenture nous{1+PL+NEU+SBJ} voloms pleinement estre certifie par vous{2+PL+NEU+PREP+OBJ}, nostre dit{ADJ+MA+TMA} chastel de Norham liverez al dit{ADJ+MA+TMA} sire William, en la fourme avantdite{ADJ+FE+TFE}, enprenant de lui{3+SG+STR+PREP+OBJ} covenable et suffisaunt{ADJ+MA+TFE} seurete par ses lettres, ou en autre maner, soloinc ceo que vous{2+PL+NEU+SBJ+VF} veez que meutz soit a faire, que le dit{ADJ+MA+TMA} chastel bien et sauvement gardera a nostre oeps, et mesme le chastel, od tote{ADJ+FE+TFE} les choses q'il{3+SG+WK+SBJ} prendra de vous{2+PL+NEU+PREP+OBJ} par la dite{ADJ+FE+TFE} endenture, a nostre volente rendra, quant de ceo par noz lettres serra requis et demande. A Dieu. Done a Rychale, le v. jour de August, l'an de nostre sacre quarte{ADJ+FE+TMA}.

Choose Letter