Anglo-Norman Correspondence Corpus

Letter: Northern-218

Sender:Henry Earl of Lancaster
Addressee:Archbishop Melton
Date:15th February 1327
 
Sample:Historical papers and letters from the Northern registers, ed. by James Raine, Rolls series 61, 1873
Volume:
Page:339-40



A honourable piere en Dieu et notre treschere amy, si lui plest, sire W. par la grace [de Dieu] ercevesque d'Everwik, primat d'Engleterre, Henri counte de Lancastre et de Leicestre, seneschal d'Engleterre, honours et reverences, priaunt sa benezoun. Treschere sire, por graunt affiaunce que nous avoms en vous, nous feismes requere de vous prester mestre Johan de Thoresby, d'aler en noz busoignes a la court de Rome, en esperaunce que nous avoms en la diligence qil mettreit a yceles esploit. Et sur ce, sire, votre merci nous avez graunte del nous suffrir a trois symeignes, ou a un moys de cy a plus tard. Requerroms, sire, dereschief a votre seintisme paternete, que vous pleise graunter que le dit mestre Johan, qi nous desirroms moult en ceste busoigne, puisse de votre bon gre, si pleisir vous seit, aler en le dit message ovesques autres queux nous assigneroms issi: treschere sire, si pleisir vous seit, qil puisse venir a nous a Loundres le primer dymenche de Qarem, por prendre lendemein son viage al eide de Dieu.

Et outre, treschere sire, vous prioms de cuer que vous pleise escriure par voz lettres a notre seintisme piere le pape, et tesmoigner la fame des miracles que Dieux ouvre por notre treschere seigneur et frere en votre diocise, en requerant que lui pleise graunter commission d'enquere.

Et de ceste chose, treschere sire, vous prioms, si affectuousement come nous pooms, votre grace et bon esploit, sicom vous volez, que nous soioms obligez perpetuelement a vous et a votre eglise. Treschere sire, le Seint Espiriz seit garde de vous! Don a Loundres, le xv. jour de Fevere.
Hold the cursor over a tag to view its description or view the full tagset.


A honourable piere en Dieu et notre treschere{ADJ+MA+TMA} amy, si lui{3+SG+STR+DIR+OBJ+VF} plest, sire W. par la grace [de Dieu] ercevesque d'Everwik, primat d'Engleterre, Henri counte de Lancastre et de Leicestre, seneschal d'Engleterre, honours et reverences, priaunt sa benezoun. Treschere{ADJ+FE+TMA} sire, por graunt{ADJ+MA+TFE} affiaunce que nous{1+PL+NEU+SBJ} avoms en vous, nous{1+PL+NEU+SBJ} feismes requere{INF+RE+TIR} de vous prester mestre Johan de Thoresby, d'aler en noz busoignes a la court de Rome, en esperaunce que nous{1+PL+NEU+SBJ} avoms en la diligence qil mettreit a yceles{ADJ+FE+TMA} esploit. Et sur ce, sire, votre merci nous{1+PL+NEU+DIR+OBJ+VF} avez graunte del nous{1+PL+NEU+PREP+OBJ+VNF} suffrir{INF+IR+TIR} a trois symeignes, ou a un moys de cy a plus tard. Requerroms, sire, dereschief a votre seintisme paternete, que vous{2+PL+NEU+DIR+OBJ+VF} pleise graunter que le dit{ADJ+MA+TMA} mestre Johan, qi nous{1+PL+NEU+SBJ} desirroms moult en ceste busoigne, puisse de votre bon gre, si pleisir vous{2+PL+NEU+DIR+OBJ+VF} seit, aler en le{UNC} dit{ADJ+MA+TMA} message ovesques autres queux nous{1+PL+NEU+SBJ} assigneroms issi: treschere{ADJ+FE+TMA} sire, si pleisir vous{2+PL+NEU+DIR+OBJ+VF} seit, qil puisse venir{INF+IR+TIR} a nous{1+PL+NEU+PREP+OBJ+VF} a Loundres le primer{ADJ+MA+TMA} dymenche de Qarem, por prendre{INF+RE+TRE} lendemein son{MA+TMA} viage al{CON} eide de Dieu.

Et outre, treschere{ADJ+FE+TMA} sire, vous{2+PL+NEU+DIR+OBJ+VF} prioms de cuer que vous{2+PL+NEU+DIR+OBJ+VF} pleise escriure{INF+RE+TRE} par voz lettres a notre seintisme piere le pape, et tesmoigner la fame des miracles que Dieux ouvre por notre treschere{ADJ+FE+TMA} seigneur et frere en votre diocise, en requerant que lui{3+SG+STR+DIR+OBJ+VF} pleise graunter commission d'enquere.

Et de ceste{ADJ+FE+TFE} chose, treschere{ADJ+FE+TMA} sire, vous{2+PL+NEU+DIR+OBJ+VF} prioms, si affectuousement come nous{1+PL+NEU+SBJ} pooms, votre grace et bon{ADJ+MA+TMA} esploit, sicom vous{2+PL+NEU+SBJ} volez, que nous{1+PL+NEU+SBJ} soioms obligez perpetuelement a vous{2+PL+NEU+PREP+OBJ+VF} et a votre eglise. Treschere{ADJ+FE+TMA} sire, le Seint{ADJ+MA+TMA} Espiriz seit garde de vous! Don a Loundres, le xv. jour de Fevere.

Choose Letter