Anglo-Norman Correspondence Corpus

Letter: Peckham-141

Sender:J Peckham
Addressee:Th. Weyland
Date:20th January 1281
 
Sample:Registrum epistolarum fratris Johannis Peckham, archiepiscopi cantuariensis [Register of letters of brother John Peckham, Archbishop of Canterbury], ed. by Charles Martin, Rolls series Vols. I-III, no. 77.
Volume:Vol. I
Page:169-170



A sun cher ami sire Thomas Weyland, justise le rey, frere Jan, prestre de Caunterbyr', saluz e bon amur. Sire, se il vus sovient, jo vus premis ke pur Šnul sequestre jeo ne lerreie ke jeo ne feise a Robert de Lyttlebyr', nostre clerc, rendre les bens de se eglise de Cornwaill'; ne ceste volente jeo ne chaungey unkes, dunt jeo me pleyn de ly de ceo ke il fist les gens atacher devant le viscunte, ke avoyent les bles achates. De autre part jo ay entendu ke il nad geres ke il ne receut une eglise en prejudice de mey, pur quey il est cheit en escumenge, se ceo est veirs. Pur quei, se ceo est veirs, jeo vus maund cumme a amy, ke vus facet ces choses amender, issi ke il ne coveyngne pas ke jeo y mette la meyn. Oveskes ceo, sire, vus mey mandastes ke jeo feise venir devant vus un clerk qui nad nul benefice en ma evesche, ne en ma jurisdiccion ke jo sache, sicum jeo vus mand au dos de la lettre. Saluz, a Deu vus comande. Datum xiii. kal. Februarii apud Geywode
Hold the cursor over a tag to view its description or view the full tagset.


A sun cher{ADJ+MA+TMA} ami sire Thomas Weyland, justise le rey, frere Jan, prestre de Caunterbyr', saluz e bon{ADJ+MA+TMA} amur. Sire, se il{3+SG+WK+SBJ} vus{2+PL+NEU+DIR+OBJ+VF} sovient, jo{1+SG+WK+SBJ} vus{2+PL+NEU+IND+OBJ+VF} premis ke pur Šnul sequestre jeo{1+SG+WK+SBJ} ne lerreie ke jeo{1+SG+WK+SBJ} ne feise a Robert de Lyttlebyr', nostre clerc, rendre{INF+RE+TRE} les bens de se eglise de Cornwaill'; ne ceste{ADJ+FE+TFE} volente jeo{1+SG+WK+SBJ} ne chaungey unkes, dunt jeo{1+SG+WK+SBJ} me{1+SG+WK+DIR+OBJ+VF} pleyn de ly de ceo ke il{3+SG+WK+SBJ} fist les gens atacher devant le viscunte, ke avoyent les bles achates. De autre part jo{1+SG+WK+SBJ} ay entendu ke il{3+SG+WK+SBJ} nad geres ke il{3+SG+WK+SBJ} ne receut une{SG+U} eglise en prejudice de mey, pur quey il{3+SG+WK+SBJ} est cheit en escumenge, se ceo est veirs. Pur quei, se ceo est veirs, jeo{1+SG+WK+SBJ} vus{2+PL+NEU+IND+OBJ+VF} maund cumme a amy, ke vus{2+PL+NEU+SBJ} facet ces{ADJ+MA+TFE} choses amender, issi ke il{3+SG+WK+SBJ} ne coveyngne pas ke jeo{1+SG+WK+SBJ} y mette la meyn. Oveskes ceo, sire, vus{2+PL+NEU+SBJ} mey{1+SG+STR+IND+OBJ+VF} mandastes ke jeo{1+SG+WK+SBJ} feise venir{INF+IR+TIR} devant vus un{SG+U} clerk qui nad nul benefice en ma{FE+TFE} evesche, ne en ma{FE+TFE} jurisdiccion ke jo{1+SG+WK+SBJ} sache, sicum jeo{1+SG+WK+SBJ} vus{2+PL+NEU+IND+OBJ+VF} mand au{CON} dos de la lettre. Saluz, a Deu vus{2+PL+NEU+DIR+OBJ+VF} comande. Datum xiii. kal. Februarii apud Geywode

Choose Letter