Anglo-Norman Correspondence Corpus

Letter: Royal-007

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Vol. IV, Rolls Society
Volume:Vol. IV
Page: p. 488



Edward, etc. Al honurable pere etc. Nous vous mercioms cherement de cuer de ce qe vous nous aprestates nadgaires de si bone volente vostre chastel de Norham pur le recet de nostre cher cousyn et foial Monsieur Henri de Beaumont et de noz autres bones genz qi demorent en sa compaignie en dit chastel sur la defense e sauvegarde de la Marche celes parties. E porceo qe la fyn du temps pur le quel vous nous prestates vostre dit chastel aproche durement, e nous vous avoms encovenant de le vous faire rendre sauf e seur, vous prioms qe vous y envoiez aucuns de voz, desqueux vous vous fiez a receivre vostre dit chastel de nostre dit cousyn ou de celi qi vous en fera la livere de par nous e nous renvoiez par meisme nostre cousyn noz lettres qe vous avez du covenant avantdit. E vous mandoms e chargeoms fermement enjoignant qe del houre que vostre dit chastel vous serra liverez, ordeinez de y mettre si saufe e seure garde qe ce soit a honur de nous e de vous et a la sauvete de vostre dit chastel e de nostre poeple de la Marche desusdite. Done, etc.
Hold the cursor over a tag to view its description or view the full tagset.


Edward, etc. Al honurable pere etc. Nous vous mercioms cherement de cuer de ce qe vous nous aprestates nadgaires de si bone volente vostre chastel de Norham pur le recet de nostre cher cousyn et foial Monsieur Henri de Beaumont et de noz autres bones genz qi demorent en sa compaignie en dit chastel sur la defense e sauvegarde de la Marche celes parties. E porceo qe la fyn du temps pur le quel vous nous prestates vostre dit chastel aproche durement, e nous vous avoms encovenant de le vous faire rendre sauf e seur, vous prioms qe vous y envoiez aucuns de voz, desqueux vous vous fiez a receivre vostre dit chastel de nostre dit cousyn ou de celi qi vous en fera la livere de par nous e nous renvoiez par meisme nostre cousyn noz lettres qe vous avez du covenant avantdit. E vous mandoms e chargeoms fermement enjoignant qe del houre que vostre dit chastel vous serra liverez, ordeinez de y mettre si saufe e seure garde qe ce soit a honur de nous e de vous et a la sauvete de vostre dit chastel e de nostre poeple de la Marche desusdite. Done, etc.

Choose Letter