Anglo-Norman Correspondence Corpus

Letter: Royal-009

Sender: King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society,
Volume:Vol. IV
Page:491



Edward, etc. Al honurable pere, etc. Nous recomendoms a vous especialment e de cuer nostre chier en Dieu Daunz Richard Twyng', priour de Tynemuth, e les busoignes qe luy touchent par reson de la dite priortee, e vous prioms chierement qen
Meismes les busoignes luy voillez estre si gracious e favorables come vous purrez en dreiture pur amur de nous, e la composicion faite netre leglise de Duresme e leglise de Seint Auban voillez meyntenir e garder si avant come a vous appartient e solonc la forme de meisme la composicion tut soit ce qe autres priours du dit lieu eient avant ces houres passez la fourme de la dite composicion par necgligence, ou en autre manere issint qe le dit priour a qui persone nous avoms molt especial affeccion, ne troesse destourbaunce a sa entre, de quoi nous vous voloms mercier. Done, etc.
Hold the cursor over a tag to view its description or view the full tagset.


Edward, etc. Al honurable pere, etc. Nous recomendoms a vous especialment e de cuer nostre chier en Dieu Daunz Richard Twyng', priour de Tynemuth, e les busoignes qe luy touchent par reson de la dite priortee, e vous prioms chierement qen
Meismes les busoignes luy voillez estre si gracious e favorables come vous purrez en dreiture pur amur de nous, e la composicion faite netre leglise de Duresme e leglise de Seint Auban voillez meyntenir e garder si avant come a vous appartient e solonc la forme de meisme la composicion tut soit ce qe autres priours du dit lieu eient avant ces houres passez la fourme de la dite composicion par necgligence, ou en autre manere issint qe le dit priour a qui persone nous avoms molt especial affeccion, ne troesse destourbaunce a sa entre, de quoi nous vous voloms mercier. Done, etc.

Choose Letter