Anglo-Norman Correspondence Corpus

Letter: Royal-010

Sender:King Edward II of England
Addressee: Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:492



Edward, etc, Al honurable pere, etc. Come pur la defense de Seinte Eglise e de tout nostre roialme qi ont suffert cea en arreres grantz grefs e oppressions par lengressete de noz enemys escoce, e pur refreyndre la malice e la cruelte de noz ditz enemys, soioms en alanz vers les parties descoce ou nous entendoms al eide de Dieu e de noz gentz faire tiel espleit, qe serra al honur de nous e de toutz noz amys e a fermete depees e de quiete de tut nostre roialme, par quei il nous covendra tresgrant foison de deners ausibien pur la purveiance de vivres pur nous et pur nostre hoste, come pur les gages des gentz demoranz illoqes en nostre servise, e pur autres plusurs e diverses choses qe covenent pur si grosses busoignes, vous prioms chierement e de cuer qe les deners qe sont levez e en vostre garde del primer an del disme sexannale e qe sont a lever, voillez bailler a nous come en depos pur la meyntenance de noz busoignes avantdites; si come vous amez le bon espleit dy celes, e nous vous ferroms bones lettres e suffisantes de vous en aquiter vers toutes genz, e de respondre ent pur vous tout les foiz que mester serra, e sur ce voiIlez creer a noz chiers e foials Estephen de Maulay, ercedeaken de Clyveland, Johan de Markyngfeld e Monsieur Henry Leacrop, de ce qe eaux ou deux de eux vous endirront plus pleinement de par nous, e meisme les deners voillez faire liverer a nostre chier clerc Johan de Sandale lieutenant de nostre tresorier, receivante de luy noz lettres avantdites. De ceste chose vous chargeoms si come nous nous fioms especialment de vous. Done, etc.
Hold the cursor over a tag to view its description or view the full tagset.


Edward, etc, Al honurable pere, etc. Come pur la defense de Seinte Eglise e de tout nostre roialme qi ont suffert cea en arreres grantz grefs e oppressions par lengressete de noz enemys escoce, e pur refreyndre la malice e la cruelte de noz ditz enemys, soioms en alanz vers les parties descoce ou nous entendoms al eide de Dieu e de noz gentz faire tiel espleit, qe serra al honur de nous e de toutz noz amys e a fermete depees e de quiete de tut nostre roialme, par quei il nous covendra tresgrant foison de deners ausibien pur la purveiance de vivres pur nous et pur nostre hoste, come pur les gages des gentz demoranz illoqes en nostre servise, e pur autres plusurs e diverses choses qe covenent pur si grosses busoignes, vous prioms chierement e de cuer qe les deners qe sont levez e en vostre garde del primer an del disme sexannale e qe sont a lever, voillez bailler a nous come en depos pur la meyntenance de noz busoignes avantdites; si come vous amez le bon espleit dy celes, e nous vous ferroms bones lettres e suffisantes de vous en aquiter vers toutes genz, e de respondre ent pur vous tout les foiz que mester serra, e sur ce voiIlez creer a noz chiers e foials Estephen de Maulay, ercedeaken de Clyveland, Johan de Markyngfeld e Monsieur Henry Leacrop, de ce qe eaux ou deux de eux vous endirront plus pleinement de par nous, e meisme les deners voillez faire liverer a nostre chier clerc Johan de Sandale lieutenant de nostre tresorier, receivante de luy noz lettres avantdites. De ceste chose vous chargeoms si come nous nous fioms especialment de vous. Done, etc.

Choose Letter