Anglo-Norman Correspondence Corpus

Letter: Royal-013

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, , Rolls Society
Volume:Vol. IV
Page:504



Edward, etc. Al honurable pere, etc, Come, de bone memoire Antoigne nadgaires evesqe de Duresme vostre predecessour grantast a nostre requeste a nostre blen ame Johan de Werdale la baillie de la forestrie de Langcestre, la quele il tint tut le temps le dit Antoigne, puis le dit gran, e puis come la dite evesche feust en nostre mayn en ceste darayne vacion, nous grantame au dit Johan et a son garzon la dite baillie et nous eoms entendutz qe vousavez enpechez le dit Johan endroit de la dite baillie, dont nous nous merveilloms molt, car il nous semble qe vous estes tenuz a faire pur nous autant et plus come feust le dit Antoigne et savoms bien qe le dit Johan vous y tendroit bon lieu, vous prioms si especialment et de cuer come nous pooms qe mesme la baillie voillez granter au dit Johan et a son garzon pur amur de nous, a tenir od tutes les choses qe y appendent, en la. manere qil la tint en temps de la dite vacion. Et ceste nostre requeste voillez ensi parfaire, qe nous puissoms savoir et le dit Johan sentir qe vous eiez volunte a faire por nous et les noz. Car solonc ce qe vous vous porterez vers nous et les noz, nous nous bioms porter vers vous. Et nous voillez remander par voz lettres ce qe vous en voudrez faire. Done, etc.
Hold the cursor over a tag to view its description or view the full tagset.


Edward, etc. Al honurable pere, etc, Come, de bone memoire Antoigne nadgaires evesqe de Duresme vostre predecessour grantast a nostre requeste a nostre blen ame Johan de Werdale la baillie de la forestrie de Langcestre, la quele il tint tut le temps le dit Antoigne, puis le dit gran, e puis come la dite evesche feust en nostre mayn en ceste darayne vacion, nous grantame au dit Johan et a son garzon la dite baillie et nous eoms entendutz qe vousavez enpechez le dit Johan endroit de la dite baillie, dont nous nous merveilloms molt, car il nous semble qe vous estes tenuz a faire pur nous autant et plus come feust le dit Antoigne et savoms bien qe le dit Johan vous y tendroit bon lieu, vous prioms si especialment et de cuer come nous pooms qe mesme la baillie voillez granter au dit Johan et a son garzon pur amur de nous, a tenir od tutes les choses qe y appendent, en la. manere qil la tint en temps de la dite vacion. Et ceste nostre requeste voillez ensi parfaire, qe nous puissoms savoir et le dit Johan sentir qe vous eiez volunte a faire por nous et les noz. Car solonc ce qe vous vous porterez vers nous et les noz, nous nous bioms porter vers vous. Et nous voillez remander par voz lettres ce qe vous en voudrez faire. Done, etc.

Choose Letter