Anglo-Norman Correspondence Corpus

Letter: Royal-016

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:507



Edward etc. Al honurable pere etc. Nous avoms entenduz par la moustraunce nostre bien amez Janyn nostre trompour, qe nadgaires sicome il et ascuns autres viendrent passauntz parmy vostre fraunehise de Duresme, et chaceantz vers nous ascuns bestes qi nous furent enveez des parties du North, la persone de Seggefeld od plusurs autres de sa mesnee a force et armes et contre nostre pees, les assaillerent, naufrerent et malement treiterent et autres leedz lour firent a gref damage de eux et a grant despite de nous, dont nous sumes mout ennuyez, par quoi vous mandoms e chargeoms qe cel trespas et despit facez saunz delai si bien et si duement redrescer qe les ditz Johan et autres qui suffrirent le damage sen deyvent tenir apaiez par reison, et qil ne coveigne mye qe nous y mettoms autre remedie par vostre defaute. Done, etc.
Hold the cursor over a tag to view its description or view the full tagset.


Edward etc. Al honurable pere etc. Nous avoms entenduz par la moustraunce nostre bien amez Janyn nostre trompour, qe nadgaires sicome il et ascuns autres viendrent passauntz parmy vostre fraunehise de Duresme, et chaceantz vers nous ascuns bestes qi nous furent enveez des parties du North, la persone de Seggefeld od plusurs autres de sa mesnee a force et armes et contre nostre pees, les assaillerent, naufrerent et malement treiterent et autres leedz lour firent a gref damage de eux et a grant despite de nous, dont nous sumes mout ennuyez, par quoi vous mandoms e chargeoms qe cel trespas et despit facez saunz delai si bien et si duement redrescer qe les ditz Johan et autres qui suffrirent le damage sen deyvent tenir apaiez par reison, et qil ne coveigne mye qe nous y mettoms autre remedie par vostre defaute. Done, etc.

Choose Letter