Anglo-Norman Correspondence Corpus

Letter: Royal-020

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:512



Edward, etc. Al honurab1e pere, etc. Come nous vous maundissiens nadgaires qe a Nostre chier cosyn e foial Monsieur Henri de Beaumont feissez liverer sept centz mars des mille mars qe vous nous devriez aver paie a la Nativite Seint Johan le Baptistre darreine passee, sur ceo qil doit prendre de nous pur sa demore en nostre servise es parties descoce od cent hommes darmes de la Gou1e dausti darreine passe jusqes a la Seint Miche1 precheine avenir, de quoi vous navez uncore rien fait, a ceo qe nous avoms entenduz, einz avez respounduz qe vous avez paiez les ditz deniers par aillours. Vous mandoms qe au dit Monsieur Henry facez paier cynk centz livres des mill mars qe vous nous devez paier a la Seint Michel prechein avenir, en parpaie des sys centz livres qil doit prendre de nous pur sa demore en nostre servise es parties descoce, pur le temps avauntdit, receivant ses lettres daquitaunce de ceo qe vous li averez ensi liverez, par tesmoignance des queles nous voloms qe vous en soiez quites vers nous. Done, etc.
Hold the cursor over a tag to view its description or view the full tagset.


Edward, etc. Al honurab1e pere, etc. Come nous vous maundissiens nadgaires qe a Nostre chier cosyn e foial Monsieur Henri de Beaumont feissez liverer sept centz mars des mille mars qe vous nous devriez aver paie a la Nativite Seint Johan le Baptistre darreine passee, sur ceo qil doit prendre de nous pur sa demore en nostre servise es parties descoce od cent hommes darmes de la Gou1e dausti darreine passe jusqes a la Seint Miche1 precheine avenir, de quoi vous navez uncore rien fait, a ceo qe nous avoms entenduz, einz avez respounduz qe vous avez paiez les ditz deniers par aillours. Vous mandoms qe au dit Monsieur Henry facez paier cynk centz livres des mill mars qe vous nous devez paier a la Seint Michel prechein avenir, en parpaie des sys centz livres qil doit prendre de nous pur sa demore en nostre servise es parties descoce, pur le temps avauntdit, receivant ses lettres daquitaunce de ceo qe vous li averez ensi liverez, par tesmoignance des queles nous voloms qe vous en soiez quites vers nous. Done, etc.

Choose Letter