Anglo-Norman Correspondence Corpus

Letter: Royal-021

Sender:King Edward II of England
Addressee:Richard Kellawe, bishop of Durham
Date:May 1316
 
Sample:Registrum Palatinum Dunelmense, Rolls Society
Volume:Vol. IV
Page:512



Edward, etc. Al honurable piere, etc. Porceo qe nous avoms entenduz qe nos enemys deseoce se vient mettre en lour force, entre nous e nostre chastel de Stryvelyn a destourber ove tout lour poer la rescusse de meisme le chastel, la quele se deit faire par condicion de treve entrecy e la feste de la Nativite Seint Johan le Baptistre prechein avenir, vous prioms e chargeoms sicome nous fyoms de vous, qe outre les cynk centz homes de pee qi sount esluz en vostre fraunchise de Duresme de venir en nostre servise es parties descoce, vous voillez aider de gentz darmes e depee de vostre dite fraunchise a si graunt foison come vous purrez e meismes les gentz envoier a nous si qil soient a Werk' y cest Lundi le x jour de cesti prechein mois de Juyn, pur aler dilleuqes en nostre dit servise a noz gages pur la rescusse de nostre chastel avauntdit. E ceo en nule manere ne lessez, sieome vous nous amez e lespleit de noz busoignes desusdites. E sachiez qe nous ne voloms qe leide qe vous nous ferez puisse tourner a vous ne a vostre fraunchise en prejudice en temps avenir. Done, etc.
Hold the cursor over a tag to view its description or view the full tagset.


Edward, etc. Al honurable piere, etc. Porceo qe nous avoms entenduz qe nos enemys deseoce se vient mettre en lour force, entre nous e nostre chastel de Stryvelyn a destourber ove tout lour poer la rescusse de meisme le chastel, la quele se deit faire par condicion de treve entrecy e la feste de la Nativite Seint Johan le Baptistre prechein avenir, vous prioms e chargeoms sicome nous fyoms de vous, qe outre les cynk centz homes de pee qi sount esluz en vostre fraunchise de Duresme de venir en nostre servise es parties descoce, vous voillez aider de gentz darmes e depee de vostre dite fraunchise a si graunt foison come vous purrez e meismes les gentz envoier a nous si qil soient a Werk' y cest Lundi le x jour de cesti prechein mois de Juyn, pur aler dilleuqes en nostre dit servise a noz gages pur la rescusse de nostre chastel avauntdit. E ceo en nule manere ne lessez, sieome vous nous amez e lespleit de noz busoignes desusdites. E sachiez qe nous ne voloms qe leide qe vous nous ferez puisse tourner a vous ne a vostre fraunchise en prejudice en temps avenir. Done, etc.

Choose Letter