Anglo-Norman Correspondence Corpus

Letter: Royal-023

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:515



Edward, etc. Al honourable, etc. Il vous doit bien sovenir coment une comune aide ausibien des clers come des lays de nostre roialme, nos estoit otreye nadgaires en nostre darrein parlement a Westmouster, pur noz grosses busoignes descoce, e coment a la requeste des prelatz de nostre roialme qui y estoient, nous respitames adonqes laide du clergee par certeynes causes en affiaunce de la promesse qil nous firent. E pur ceo qe nous sumes ja en alantz devers les parties descoce pur refreyndre a laide de Dieu e de noz bones gentz la malice e lengressete de noz enemys celes parties, a queu chose faire a lhonur de nous e au profit de nostre roialme, il nous covendra molt grant foison de deners, vous prioms chierement e de cuer qe en lacord qe soi doit faire entre vous e les autres prelatz, qe serrez assemblez a Everwyk lendemeyn de la Trinite precheyn avenir sur le graunt de leide avauntdit, vous voillez porter en tiele manere qe nous nous puissoms loer de vous eauntz regard qe meisme leide serra tournee en la defense de Seinte Eglise, e de tout nostre roialme, e en le recoverer de nostre heritage, as queux choses vous estes especiaument tenuz. Done, etc.
Hold the cursor over a tag to view its description or view the full tagset.


Edward, etc. Al honourable, etc. Il vous doit bien sovenir coment une comune aide ausibien des clers come des lays de nostre roialme, nos estoit otreye nadgaires en nostre darrein parlement a Westmouster, pur noz grosses busoignes descoce, e coment a la requeste des prelatz de nostre roialme qui y estoient, nous respitames adonqes laide du clergee par certeynes causes en affiaunce de la promesse qil nous firent. E pur ceo qe nous sumes ja en alantz devers les parties descoce pur refreyndre a laide de Dieu e de noz bones gentz la malice e lengressete de noz enemys celes parties, a queu chose faire a lhonur de nous e au profit de nostre roialme, il nous covendra molt grant foison de deners, vous prioms chierement e de cuer qe en lacord qe soi doit faire entre vous e les autres prelatz, qe serrez assemblez a Everwyk lendemeyn de la Trinite precheyn avenir sur le graunt de leide avauntdit, vous voillez porter en tiele manere qe nous nous puissoms loer de vous eauntz regard qe meisme leide serra tournee en la defense de Seinte Eglise, e de tout nostre roialme, e en le recoverer de nostre heritage, as queux choses vous estes especiaument tenuz. Done, etc.

Choose Letter