Anglo-Norman Correspondence Corpus

Letter: Royal-027

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:518



Edward, etc. Al honurable pere, etc. Nous avoms entenduz qe aucuns des voz vous ont fait entendaunt meyns veritablement qe nostre chier clerk Thomas de la Novele Haye, portour de ceste lettre, vous deveroit aver procure mal devers nous, parquei vous avez conceu malevoillaunce vers lui. Vous fesoms a savoir si ensi soit, qil vous ount malement fait entendauntz, e qe nostre dit clerk ne vous procura onqes vers nous forsqe bien e honur. Par quei nous vous prioms especiaument e de cuer qe nostre dit clerc voillez receivre a vostre bienvoillaunce e especiaument la continuer vers li pur lamur de nous. E ja soit ceo qe nous vous priissems piecea pur nostre dit clerc, qe de la provende qe vous lui avez done a nostre. requeste, par reson de vostre novele creacion en evesqe de Duresme, a la quele nous li nomasmes en espeir de bon avauncement, la quele provande nous entendismes qe eust este bon e covenable avauncement e nyent severee, feissez ordiner solonc ceo qe vous feissez qe feust a faire, e qe vous continuissez vers li le pension qil avoit de vous, par reson de vostre novele creacion avauntdite, tauntqe vous li peussez aver avaunce a plus covenable benefice de seinte eglise, de quei vous navez rien fait. Nepurqant nous vous prioms si de cuer come nous pooms qe vous metez tote la diligence e cure qo vous poez qe nostre dit clerc peusse joyer la dite provande entierement, desicome vous meismes en estes patron e estes tenuz a garder, meyntenir e mettre peyne effectuusement &. repeller les choses qe en sont issint severeez a vostre poer, ou qe vous facez purveer de si covenable benefice e si en haste pur nostre dit clerc qil qi avancement pur le longe servise qil nous ad fait, e fait de jour en autre, nous avoms tendrement a cuer, sen puisse loer, e qe nous vous en soioms du plus especialment tenuz es busoignes qe vous touchent vers nous, e par voz lettres e par vostre dit clerc nous remandez ceo qe vous en voudrez faire. Done, etc.
Hold the cursor over a tag to view its description or view the full tagset.


Edward, etc. Al honurable pere, etc. Nous avoms entenduz qe aucuns des voz vous ont fait entendaunt meyns veritablement qe nostre chier clerk Thomas de la Novele Haye, portour de ceste lettre, vous deveroit aver procure mal devers nous, parquei vous avez conceu malevoillaunce vers lui. Vous fesoms a savoir si ensi soit, qil vous ount malement fait entendauntz, e qe nostre dit clerk ne vous procura onqes vers nous forsqe bien e honur. Par quei nous vous prioms especiaument e de cuer qe nostre dit clerc voillez receivre a vostre bienvoillaunce e especiaument la continuer vers li pur lamur de nous. E ja soit ceo qe nous vous priissems piecea pur nostre dit clerc, qe de la provende qe vous lui avez done a nostre. requeste, par reson de vostre novele creacion en evesqe de Duresme, a la quele nous li nomasmes en espeir de bon avauncement, la quele provande nous entendismes qe eust este bon e covenable avauncement e nyent severee, feissez ordiner solonc ceo qe vous feissez qe feust a faire, e qe vous continuissez vers li le pension qil avoit de vous, par reson de vostre novele creacion avauntdite, tauntqe vous li peussez aver avaunce a plus covenable benefice de seinte eglise, de quei vous navez rien fait. Nepurqant nous vous prioms si de cuer come nous pooms qe vous metez tote la diligence e cure qo vous poez qe nostre dit clerc peusse joyer la dite provande entierement, desicome vous meismes en estes patron e estes tenuz a garder, meyntenir e mettre peyne effectuusement &. repeller les choses qe en sont issint severeez a vostre poer, ou qe vous facez purveer de si covenable benefice e si en haste pur nostre dit clerc qil qi avancement pur le longe servise qil nous ad fait, e fait de jour en autre, nous avoms tendrement a cuer, sen puisse loer, e qe nous vous en soioms du plus especialment tenuz es busoignes qe vous touchent vers nous, e par voz lettres e par vostre dit clerc nous remandez ceo qe vous en voudrez faire. Done, etc.

Choose Letter