Anglo-Norman Correspondence Corpus

Letter: Royal-028

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:519



Edward, etc. Al honurable pere, etc, Come noz chiers en Dieu Abbe e Couvent de Neumonster eient fait enclore partie de lour bois de Chepwell qest de vostre fraunchise de Duresme par vostre assent de bouche pur assartir et eux ent approuer, solonc a forme de lestatut de tieux assartz faire, et meismes les abbe e covent soient molt enpoveriz par surcharges e venues de nostre chier pere qui Dieux assoille e de nous en venaunt en noz guerres descoce, e par invasions de noz enemys descoce ausint. Parquei nous desiroms molt le recoverer e lamendement de la meson avauntdite, vous prioms e requerroms chierement e de cuer qe la porcion qil ount ensi enclos, voillez par encheisons avauntdites e pur amur de nous confermer par voz lettres a eux e a lour successours taunt come en vous est, issint qil nen soient empeschez en temps avenir. E en facez taunt a ceste nostre priere qe les ditz abbe e covent puissent sentir en effect, qe ele lour est bon lieu tenuz vers vous, e qe nous vous en doioms mercier e nous rendre du plus gracious es choses qe vous toucheront vers nous. E ceo qe vous en vodrez faire nous remaundez par vos lettres. Done, etc.
Hold the cursor over a tag to view its description or view the full tagset.


Edward, etc. Al honurable pere, etc, Come noz chiers en Dieu Abbe e Couvent de Neumonster eient fait enclore partie de lour bois de Chepwell qest de vostre fraunchise de Duresme par vostre assent de bouche pur assartir et eux ent approuer, solonc a forme de lestatut de tieux assartz faire, et meismes les abbe e covent soient molt enpoveriz par surcharges e venues de nostre chier pere qui Dieux assoille e de nous en venaunt en noz guerres descoce, e par invasions de noz enemys descoce ausint. Parquei nous desiroms molt le recoverer e lamendement de la meson avauntdite, vous prioms e requerroms chierement e de cuer qe la porcion qil ount ensi enclos, voillez par encheisons avauntdites e pur amur de nous confermer par voz lettres a eux e a lour successours taunt come en vous est, issint qil nen soient empeschez en temps avenir. E en facez taunt a ceste nostre priere qe les ditz abbe e covent puissent sentir en effect, qe ele lour est bon lieu tenuz vers vous, e qe nous vous en doioms mercier e nous rendre du plus gracious es choses qe vous toucheront vers nous. E ceo qe vous en vodrez faire nous remaundez par vos lettres. Done, etc.

Choose Letter