Anglo-Norman Correspondence Corpus

Letter: Royal-029

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:520



Edward, etc. Al honourable piere etc. Nadgiers vous priasmes par noz autres letters qe en acord fermer sur les debatz qe ount este entre vous e noz chiers en Dieu, Abbe e Covent de Seint Alban, touchauntz leglise de Overconsclive, vous issez accepter lavoeson de la vicarie de meisme leglise a vous e a voz successours a toutz jours, e soeffrer leglise demorer as ditz abbe e covent e a lour successours en propres oeps, si come il la soleint tenir saunz eux charger dune empension de cent soldz a vostre clerk, a qi vous avez done la dite eglise, e de vynt livres en deniers pur les despens e custages qe vostre dit clerc y ad mys, la quele chose lour serroit molt grevouse. E pur ceo que nous avoms grant compassion de lestat de la dite abbeye qest molt chargee de diverses dettes e soveneres venues des grantz de nostre roiaume passauntz par illeuqes, e voudrems volenters aider de la relever e mettre en meillour estat, vous prioms derechief especiaument qe en meisme lacord vous voillez tenir paiez de la dite avoeson, saunz eux charger de plus, solonc la tenour de noz prieres avauntdites. E ceste nostre requeste la quele nous est molt a cuer, fornisiez si graciousement qil sen puissant loer e qe nous vous en doioms mercier. Done, etc.
Hold the cursor over a tag to view its description or view the full tagset.


Edward, etc. Al honourable piere etc. Nadgiers vous priasmes par noz autres letters qe en acord fermer sur les debatz qe ount este entre vous e noz chiers en Dieu, Abbe e Covent de Seint Alban, touchauntz leglise de Overconsclive, vous issez accepter lavoeson de la vicarie de meisme leglise a vous e a voz successours a toutz jours, e soeffrer leglise demorer as ditz abbe e covent e a lour successours en propres oeps, si come il la soleint tenir saunz eux charger dune empension de cent soldz a vostre clerk, a qi vous avez done la dite eglise, e de vynt livres en deniers pur les despens e custages qe vostre dit clerc y ad mys, la quele chose lour serroit molt grevouse. E pur ceo que nous avoms grant compassion de lestat de la dite abbeye qest molt chargee de diverses dettes e soveneres venues des grantz de nostre roiaume passauntz par illeuqes, e voudrems volenters aider de la relever e mettre en meillour estat, vous prioms derechief especiaument qe en meisme lacord vous voillez tenir paiez de la dite avoeson, saunz eux charger de plus, solonc la tenour de noz prieres avauntdites. E ceste nostre requeste la quele nous est molt a cuer, fornisiez si graciousement qil sen puissant loer e qe nous vous en doioms mercier. Done, etc.

Choose Letter