Anglo-Norman Correspondence Corpus

Letter: Royal-030

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:521



Edward, etc, Al honurable, etc. Come nous eoms entenduz qe pur appeiser les debatz qe sont entre vous e nos chiers en Dieu ... Abbe e Covent de Seint Alban en droit de leglise de Overconsclive, meisme labbe vous ad tenduz lavoeson de la vycarie de la dite eglise a demorer a vous e a voz successours a toutz jours, e nous pur laffeccion qe nous avoms as corps seintz Seint Cuthbert e Seint Auban, desirauntz especiaument qe acord e unite soit afferme entre vous e le dit Abbe, eoms assentuz taunt come en nous est audit acord en la forme avauntdite pur la tranquillite de meismes les eglises, vous prioms si affectuousement come nous pooms qe a meisme la. forme dacord voillez bonement assentir, e la parfurnier tant come a vous appartient e lapropriacion grauntz par vostre predecessour e le chapitre de Duresme as ditz abbe e covent, e lour successours de leglise avauntdite confermer pur amur de nous e pur la quiete des eglises avauntdites, e ceo qe vous en vodrez faire, nous remaundez saunz delai par voz lettres e par le portour de cestes. Done, etc.
Hold the cursor over a tag to view its description or view the full tagset.


Edward, etc, Al honurable, etc. Come nous eoms entenduz qe pur appeiser les debatz qe sont entre vous e nos chiers en Dieu ... Abbe e Covent de Seint Alban en droit de leglise de Overconsclive, meisme labbe vous ad tenduz lavoeson de la vycarie de la dite eglise a demorer a vous e a voz successours a toutz jours, e nous pur laffeccion qe nous avoms as corps seintz Seint Cuthbert e Seint Auban, desirauntz especiaument qe acord e unite soit afferme entre vous e le dit Abbe, eoms assentuz taunt come en nous est audit acord en la forme avauntdite pur la tranquillite de meismes les eglises, vous prioms si affectuousement come nous pooms qe a meisme la. forme dacord voillez bonement assentir, e la parfurnier tant come a vous appartient e lapropriacion grauntz par vostre predecessour e le chapitre de Duresme as ditz abbe e covent, e lour successours de leglise avauntdite confermer pur amur de nous e pur la quiete des eglises avauntdites, e ceo qe vous en vodrez faire, nous remaundez saunz delai par voz lettres e par le portour de cestes. Done, etc.

Choose Letter