Anglo-Norman Correspondence Corpus

Letter: Royal-031

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:523



Edward, etc. Al honurable pere, etc. Nous avoms entenduz qe noz chiers en Dieu Abbe e Covent de Seint Auban long temps tyndrent en proper eops lesglise de Counsclive en vostre diocese, tanqe Auntoyn nadgaires evesqe de Duresme vostre prechein predecessour les osta de cele voluntrivement, e saunz encheison resonable a ceo qest dit, e qe meismes labbe e covent suent devaunt vous e voz ministres, ausi bien en court Cristien come en la laie curt de vostre fraunchise de Duresme pur meisme leglise recoverir en propres oeps a tenir sicome il la tyndrent avaunt qil en estoient ensi ostez par vostre dit predecessour. E por ceo qe nous desiroms molt le profit e lencresse de la dite meson de Seint Auban pur laffeccion qe nous avoms vers labbe e les bones gentz de cele, vous prioms chierement qe meismes labbe e covent voillez aver pur amur de nous especiaument recomendez e a eux en ceste busoigne estre gracious e favorable en droiture e comaunder a voz ministres del une curt e del autre qe as ditz abbe e covent en meisme la busoigne facent toute la grace e favour qil porront saunz offense de droit, issint qil sen puissent loer a nous e qe nous vous en sioms especialment tenuz a mercier. Done, etc.
Hold the cursor over a tag to view its description or view the full tagset.


Edward, etc. Al honurable pere, etc. Nous avoms entenduz qe noz chiers en Dieu Abbe e Covent de Seint Auban long temps tyndrent en proper eops lesglise de Counsclive en vostre diocese, tanqe Auntoyn nadgaires evesqe de Duresme vostre prechein predecessour les osta de cele voluntrivement, e saunz encheison resonable a ceo qest dit, e qe meismes labbe e covent suent devaunt vous e voz ministres, ausi bien en court Cristien come en la laie curt de vostre fraunchise de Duresme pur meisme leglise recoverir en propres oeps a tenir sicome il la tyndrent avaunt qil en estoient ensi ostez par vostre dit predecessour. E por ceo qe nous desiroms molt le profit e lencresse de la dite meson de Seint Auban pur laffeccion qe nous avoms vers labbe e les bones gentz de cele, vous prioms chierement qe meismes labbe e covent voillez aver pur amur de nous especiaument recomendez e a eux en ceste busoigne estre gracious e favorable en droiture e comaunder a voz ministres del une curt e del autre qe as ditz abbe e covent en meisme la busoigne facent toute la grace e favour qil porront saunz offense de droit, issint qil sen puissent loer a nous e qe nous vous en sioms especialment tenuz a mercier. Done, etc.

Choose Letter