Anglo-Norman Correspondence Corpus

Letter: Royal-033

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:524



Edward, etc. Al honurable pere, etc. Come nadgaires par aucunes resons feissoms prendre en nostre meyn lospital de North Alverton e engrantissens la garde a nostre chier chapeleyn frere Wauter de Assherugge e par a reson qe nous aviems entendu qe meime lospital feust voide e appartynt a nostre doneyson, eioms donez le dit hospital a nostre dit chapelleyn e eioms entenduz qe le comun seal e les munimentz de meisme lospital sont esloignez e en vostre garde, vous mandoms e chargeoms enpriantz chierement e de cuerqe les ditz seal e munimentz ensemblement od tote les autres choses appurtenantes audit hospital qe sont deinz vostre garde facez liverer a nostre dit chapeleyn come au mestre e gardein de meisme le lieu, e li soeffrez si bonement e si peisiblement avoir, e joir meisme lospital ove totes les appurtenantz en espiritualite e en temporaute come autres mestres dudit hospital ount euz plus pleinement avaunt ces houres e come appent, solonc la forme de nostre dit doun qe nous vous en soioms du plus tenuz es busoignes qe vous averez a faire de nous. Et par voz lettres e par le portour de cestes nous facez saver saunz delai, ceo qe vous en voudrez faire. Done, etc.
Hold the cursor over a tag to view its description or view the full tagset.


Edward, etc. Al honurable pere, etc. Come nadgaires par aucunes resons feissoms prendre en nostre meyn lospital de North Alverton e engrantissens la garde a nostre chier chapeleyn frere Wauter de Assherugge e par a reson qe nous aviems entendu qe meime lospital feust voide e appartynt a nostre doneyson, eioms donez le dit hospital a nostre dit chapelleyn e eioms entenduz qe le comun seal e les munimentz de meisme lospital sont esloignez e en vostre garde, vous mandoms e chargeoms enpriantz chierement e de cuerqe les ditz seal e munimentz ensemblement od tote les autres choses appurtenantes audit hospital qe sont deinz vostre garde facez liverer a nostre dit chapeleyn come au mestre e gardein de meisme le lieu, e li soeffrez si bonement e si peisiblement avoir, e joir meisme lospital ove totes les appurtenantz en espiritualite e en temporaute come autres mestres dudit hospital ount euz plus pleinement avaunt ces houres e come appent, solonc la forme de nostre dit doun qe nous vous en soioms du plus tenuz es busoignes qe vous averez a faire de nous. Et par voz lettres e par le portour de cestes nous facez saver saunz delai, ceo qe vous en voudrez faire. Done, etc.

Choose Letter