Anglo-Norman Correspondence Corpus

Letter: Royal-036

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:528



Edward, etc. Al honurable pere etc. Come nous enveoms nostre chier vadlet Johan le Irays a demorer en la marche descoce, od gentz darmes, hobelours, e gentz de pee en sa compaignie, jesqes a cent persons sur la sauvete de mesme la marche e pur grever a noz enemys celes parties tant come il purra vous prioms especialment qe pur amur de nous voillez mander au conestable de vostre chastel de Norham, qe tutes le foitz qe le dit Johan avera mester davoir recet e socour en vostre dit chastel, passant par illuqes, il receyve le dit Johan e ses compagnons, od lour chivaux e harneys deincz mesme 1e chastel, e lour face illuqes tut lesement e le comfort qil purra des choses dount il averont mester, issint qil sen puissent loer, e qe nous vous en sacheoms bon gre. Done, etc.
Hold the cursor over a tag to view its description or view the full tagset.


Edward, etc. Al honurable pere etc. Come nous enveoms nostre chier vadlet Johan le Irays a demorer en la marche descoce, od gentz darmes, hobelours, e gentz de pee en sa compaignie, jesqes a cent persons sur la sauvete de mesme la marche e pur grever a noz enemys celes parties tant come il purra vous prioms especialment qe pur amur de nous voillez mander au conestable de vostre chastel de Norham, qe tutes le foitz qe le dit Johan avera mester davoir recet e socour en vostre dit chastel, passant par illuqes, il receyve le dit Johan e ses compagnons, od lour chivaux e harneys deincz mesme 1e chastel, e lour face illuqes tut lesement e le comfort qil purra des choses dount il averont mester, issint qil sen puissent loer, e qe nous vous en sacheoms bon gre. Done, etc.

Choose Letter