Anglo-Norman Correspondence Corpus

Letter: Royal-039

Sender:King Edward II of England
Addressee:Richard Kellawe, bishop of Durham
Date:1316
 
Sample:Registrum Palatinum Dunelmense, Rolls Society
Volume:Vol. IV
Page:529



Edward, etc. Al honurable pere, etc. Come nous vous mandissoms nadgueres par bref de nostre escheker, qe des deners qe vous avez entre meins de la meite grante piecea a nostre chier pier qe Dieux assoille par la clerge de nostre roialme, faissez paer a Williame du Chastel, pavilloner, une certeine somme de deners contenue en mesme le bref, en paiement daucuns dettes que nous lui devoms, sicome piert par billes de nostre garderobe qil en ad, lequel mandement vous ne avez uncor forni, a ce qe nous avoms entenduz, vous mandoms dereschef e chargeoms qe mesme nostre mandement facez fournir en toutz pointz, solonc le purport de ycel, issint qe le dit Williame ne soit desturbe par cele encheson de entendre a noz busoignes, dount nous lui avoms chargez. Done, etc.
Hold the cursor over a tag to view its description or view the full tagset.


Edward, etc. Al honurable pere, etc. Come nous vous mandissoms nadgueres par bref de nostre escheker, qe des deners qe vous avez entre meins de la meite grante piecea a nostre chier pier qe Dieux assoille par la clerge de nostre roialme, faissez paer a Williame du Chastel, pavilloner, une certeine somme de deners contenue en mesme le bref, en paiement daucuns dettes que nous lui devoms, sicome piert par billes de nostre garderobe qil en ad, lequel mandement vous ne avez uncor forni, a ce qe nous avoms entenduz, vous mandoms dereschef e chargeoms qe mesme nostre mandement facez fournir en toutz pointz, solonc le purport de ycel, issint qe le dit Williame ne soit desturbe par cele encheson de entendre a noz busoignes, dount nous lui avoms chargez. Done, etc.

Choose Letter