Anglo-Norman Correspondence Corpus

Letter: miscellaneous-001

Sender:Hamo Bishop of Rochester
Addressee:Lora Abbess of Malling
Date:2 Oct 1344
 
Sample:Canterbury and York Society
Volume:Vol. 6
Page:735



Hamoun, par la soeffraunce de dieu evesque de Roucestre, as treschers files labbesse et le covent de Mallyng' de sa diocese saluz, grace et sa benicion. Nadgayrs avoms entendu croyablement que avant ces houres puis la darayne visitacion de nostre precessour preschein avez receu seculers femmes altres qe votz servauntes
busoygnouses a sojourner par entre vous deyntz vostre enclos et que vous avez receu hommes regulers ou seculers de neut aperneuter deynz vostre dit enc1os, et qe vous dame abbesse et alters dames taunt joefnes come eynsnees et en vostre compaignie et par soy estes aleez hors de vostre abbie wastrauntes par pays par colur de pelrinage ou de visiter votz amys, countre tenour de seintz canouns et de les defenses faitz a vous par vertue de obeissaunce en le dist visitacion ; des que1es choses grauntz perils
des almes, esclaundres, et damages de vostre maysoun avenus et poeront avenir enapres si remedie covenable ne soyt fait. Par quei nous vous enjoynoms et comaundoms derichief a vous totes a queles appent en vertu de obeissaunce, et a vous dame abbesse sour peyne quapent, qe desore enapres ne receyvez nule femme seculere alter qe busoignouse servaunte a sojourner deyntz vostre enclos, ne apres
la recounce del solayl ne receyvez nul homme reguler ou seculer a demorer ou parneuter deins vostre enclos avant dit; ne qe vous dame abbesse ny aylez ne ne seuffrez altres dames aler par nule colour faynte ou quyse aler ou issir hors de vostre abbye counter les estatutz de seyntz peres ou countre nos enjunctions sur ceo faitz avant ces houres souz peynes avaunt ditz et altres resonables, de queles nous entendoms punir totes celes que troveez serrount desobeyssauntes ou trespassauntes en ascun des cas susditz. Et de ceo qe ferrietz et vodriez faire endroit de ceo nostre maundement nous certifiez deyns quinze jours procheines suantes apres la receyte de dit nostre maundement par votz lettres patentes continantes ceo tenour et sealez
de vostre seal dame abbesse par assent del covent avaunt dit. Donee a Trottesclyve le secounde jour de Octobre lan de nostre seignur m.ccc.xl me (sic).
Hold the cursor over a tag to view its description or view the full tagset.


Hamoun, par la soeffraunce de dieu evesque de Roucestre, as treschers files labbesse et le covent de Mallyng' de sa diocese saluz, grace et sa benicion. Nadgayrs avoms entendu croyablement que avant ces houres puis la darayne visitacion de nostre precessour preschein avez receu seculers femmes altres qe votz servauntes
busoygnouses a sojourner par entre vous deyntz vostre enclos et que vous avez receu hommes regulers ou seculers de neut aperneuter deynz vostre dit enc1os, et qe vous dame abbesse et alters dames taunt joefnes come eynsnees et en vostre compaignie et par soy estes aleez hors de vostre abbie wastrauntes par pays par colur de pelrinage ou de visiter votz amys, countre tenour de seintz canouns et de les defenses faitz a vous par vertue de obeissaunce en le dist visitacion ; des que1es choses grauntz perils
des almes, esclaundres, et damages de vostre maysoun avenus et poeront avenir enapres si remedie covenable ne soyt fait. Par quei nous vous enjoynoms et comaundoms derichief a vous totes a queles appent en vertu de obeissaunce, et a vous dame abbesse sour peyne quapent, qe desore enapres ne receyvez nule femme seculere alter qe busoignouse servaunte a sojourner deyntz vostre enclos, ne apres
la recounce del solayl ne receyvez nul homme reguler ou seculer a demorer ou parneuter deins vostre enclos avant dit; ne qe vous dame abbesse ny aylez ne ne seuffrez altres dames aler par nule colour faynte ou quyse aler ou issir hors de vostre abbye counter les estatutz de seyntz peres ou countre nos enjunctions sur ceo faitz avant ces houres souz peynes avaunt ditz et altres resonables, de queles nous entendoms punir totes celes que troveez serrount desobeyssauntes ou trespassauntes en ascun des cas susditz. Et de ceo qe ferrietz et vodriez faire endroit de ceo nostre maundement nous certifiez deyns quinze jours procheines suantes apres la receyte de dit nostre maundement par votz lettres patentes continantes ceo tenour et sealez
de vostre seal dame abbesse par assent del covent avaunt dit. Donee a Trottesclyve le secounde jour de Octobre lan de nostre seignur m.ccc.xl me (sic).

Choose Letter