Anglo-Norman Correspondence Corpus

Letter: miscellaneous-004

Sender:Richard Swinfield Bishop of Hereford
Addressee:Bailiffs of Hereford
Date:27 May 1313
 
Sample:Canterbury and York Society VI ed. W Capes, Registrum Ricardi de Swinfield 1283-1317
Volume:Vol. II
Page:p. 485



Richard, par la grace de Dieu eveske de Hereford, a ses tres chers amys e fiz en Dieu, baillifs et burgeis notre seigneur le roi de la cite de Hereford, salutz e kaunke il puet de bien e de honneur, ove la benysun de Dieu, pur ceo ke nus ne avoms mye ore ove nus ceus de notre counsail si pleynement come nus vousissoms, par quei nus ne vus poums mye maunder apertement notre volonte a ceste feez en dreit de la demaunde e de les destrestes ke vos fetes a nos tenauntz e les tenauntz de notre chapitre, pur le confermement de chartres de vos fraunchises de la dite cite, si vos prioms ententynement ke voz voillez, pur la reverence de Dieu e pur ceste notre requeste, mettre en suffraunce la demande e les destrestes avauntdites taunke a les uteves de Paske ore procheyn avenir, e dounke vendroms nos, ou ceus de notre counsail vendrount de par nos, a Hereford a treter ove vos, si vos pleise, e a ordiner de la dite busoigne solum dreit e resun, issynt ke bien sera al eide de Dieu, e votre bone volonte sur ceste chose nos voillez fere a saver par le portour de cestes lettres. A Dieu ke vos gart. Donne a Bosebury, le xxvij0 jour de May, le an de la nessaunce notre seigneur Jesus M•CCC•xiij•, etc
Hold the cursor over a tag to view its description or view the full tagset.


Richard, par la grace de Dieu eveske de Hereford, a ses tres chers amys e fiz en Dieu, baillifs et burgeis notre seigneur le roi de la cite de Hereford, salutz e kaunke il puet de bien e de honneur, ove la benysun de Dieu, pur ceo ke nus ne avoms mye ore ove nus ceus de notre counsail si pleynement come nus vousissoms, par quei nus ne vus poums mye maunder apertement notre volonte a ceste feez en dreit de la demaunde e de les destrestes ke vos fetes a nos tenauntz e les tenauntz de notre chapitre, pur le confermement de chartres de vos fraunchises de la dite cite, si vos prioms ententynement ke voz voillez, pur la reverence de Dieu e pur ceste notre requeste, mettre en suffraunce la demande e les destrestes avauntdites taunke a les uteves de Paske ore procheyn avenir, e dounke vendroms nos, ou ceus de notre counsail vendrount de par nos, a Hereford a treter ove vos, si vos pleise, e a ordiner de la dite busoigne solum dreit e resun, issynt ke bien sera al eide de Dieu, e votre bone volonte sur ceste chose nos voillez fere a saver par le portour de cestes lettres. A Dieu ke vos gart. Donne a Bosebury, le xxvij0 jour de May, le an de la nessaunce notre seigneur Jesus M•CCC•xiij•, etc

Choose Letter