Anglo-Norman Correspondence Corpus

Letter: miscellaneous-664

Sender:?
Addressee:the chancellor?
Date:early 1268
 
Sample:Royal and other historical letters illustrative of the reign of Henry III. Ed by Walter Shirley, Vo. II, 1236-1272, Rolls series 27, 1866.
Volume:
Page:320-322



A sun trescher seinur sur tuz autres, onurs e reverences.

Sire, ben vos menbre cument nus partimes de vos de la curt, quant vos oviet no boseines fetes la, wostre merci. Sachet, sire, ke jeo me hastai ver Donewic, taunt cum jeo poeiesi, cum vos me cumaundates, pur mettre aese de quer ceus ke nint aveient meter de cumfort, et por la bosoine le rejoster a mun poer. E vereiement vncore fu le deble Willeme le Fiz Johan venu, de nuz e de jurs si aveit fet remuer hors de mun poer, quant ke li e ses amis aveient, ke jeo ne puse fere de stresce pur la dette le rei. E jeo trovai le clerc le weucunte ke a grant peine valeit ren furner de maundement le rei, e jeo le demaundai ce ke il aveit receu de la vile, e il me respundi ke partie aveit il mange, e partie aveit sun seinur receu, dunt il ne me respundreit ren saun sun seinur. Jeo li demaundai les estreites. Il me dit si jeo le volei aver, ke jeo le queise a Norwiz. Quant mun messeger vint la si trova ilec Willeme le Fiz Jon, ki ordena des estreites a sa volunte, si ke ren ne vent en sumunse ke lur partie tuche, ke ben amunte a cent e cinquante libres.

E sachet, sire, quant keo aveie este bone pece en la vile, et ordene e purveu a lever le dette le rei, e quidei ke tute choses fusent en bone quiete, men alai hors de la vile pur grant mester ke jeo aveie de seiner, pur la maladie ke jeo aveie, e i lessai mes aturnez sufisauns a perfurnir ce ke nus avium ordene. Le terce jur apres la hu mes aturnes vindrent pur tenir le plez le rei a le tolhus, e autre chose fere ke lur fut enjoint. La vint Willeme le Fiz Jon et Johan le Fiz Joce. Ben eus trentime armez en aweit pur pense cuntre la pes; si prestrent ma gent ke ilec furent de par le rei, e felunessement les geterent a terre, e batirent, e defulerent, e perilusement le plaerent, ke a grant peine echaperent trekes a leglise, e les roberent de roules le rei, e des estreites ke le veucunte me enveia teles cum ele furent, e treis aneus de or, e partie de amercimenz ke il aveint en bourse, e mut de autres choses ke le portur de lettres ws dira de buche. Dunt jeo pri, cher, sire, vostre seinurie ke ws en cete chose veilet mettre hastif cunseil, ke unkes mes ne fut si graunt mester ke ore duit...er le pru le rei a lever, e le pru de la povere gent, dunt il dusent aver lur sutenaunce parmi le an. Et se hative aide ne seit mis nul estrange ni osera venir, e ceus de la vile of lur marchaundise se metterunt en autre port, saun revenir, a ce ke i diunt.

E pur ce, sire, ke ws me deites ke jeo asuase par deboneirete de treiter les en amur e en bele manere a la pes, jeo i mis tut mun poer, e ne amunte a ren, ke deboneirete ne curteisie james ren ne vaudra. De autre part, sire, jeo sui tro petit a la garde de si maliciuse gent, si jeo ne eie autre aide par tens e leument, sire, jeo harreie mut ke le rei fut perdaunt par ma defaute. Si mun sire Robert de Bufford fut en pais jeo ne averei regard. E ceus de la vile, ke sunt de pes, quant il veient lur enemis armez, il ne osent ren fere encuntre eus; taunt dutent ke james venjaunce ne en seit pris, pur ce ke taunt suvent sunt echapez.

Cher sire, vostre volente me veile maunder en tute choses, cum a vostre lige, e jeo le ferai a mun poer. Sache, sire, ke mut sui a maleis ke taunt suvent este greve de pleintes ke ws avet de ma bailie, mes leument, sire, jeo ne puis mes.
Hold the cursor over a tag to view its description or view the full tagset.


A sun trescher{ADJ+MA+TMA} seinur sur tuz{ADJ+MA+TMA} autres, onurs e reverences.

Sire, ben vos{2+PL+NEU+DIR+OBJ+VF} menbre cument nus{1+PL+NEU+SBJ} partimes de vos de la curt, quant vos{2+PL+NEU+SBJ} oviet no boseines fetes la, wostre merci. Sachet, sire, ke jeo{1+SG+WK+SBJ} me{1+SG+WK+DIR+OBJ+VF} hastai ver Donewic, taunt cum jeo{1+SG+WK+SBJ} poeiesi, cum vos{2+PL+NEU+SBJ} me{1+SG+WK+DIR+OBJ+VF} cumaundates, pur mettre aese de quer ceus ke nint aveient meter de cumfort, et por la bosoine le rejoster a mun{MA+TMA} poer. E vereiement vncore fu le deble Willeme le Fiz Johan venu, de nuz e de jurs si aveit fet remuer hors de mun{MA+TMA} poer, quant ke li{3+SG+STR+SBJ} e ses amis aveient, ke jeo{1+SG+WK+SBJ} ne puse fere{INF+ERE+TAIRE} de stresce pur la dette le rei. E jeo{1+SG+WK+SBJ} trovai le clerc le weucunte ke a grant{ADJ+MA+TFE} peine valeit ren furner{INF+ER+TIR} de maundement le rei, e jeo{1+SG+WK+SBJ} le{3+SG+WK+DIR+OBJ+VF} demaundai ce ke il{3+SG+WK+SBJ} aveit receu de la vile, e il{3+SG+WK+SBJ} me{1+SG+IND+OBJ+VF} respundi ke partie aveit il{3+SG+WK+SBJ} mange, e partie aveit sun seinur receu, dunt il{3+SG+WK+SBJ} ne me respundreit ren saun sun seinur. Jeo{1+SG+WK+SBJ} li{3+SG+WK+IND+OBJ+VF} demaundai les estreites. Il{3+SG+WK+SBJ} me{1+SG+WK+IND+OBJ+VF} dit si jeo{1+SG+WK+SBJ} le{3+PL+WK+DIR+OBJ+VF} volei aver, ke jeo{1+SG+WK+SBJ} le{3+PL+WK+DIR+OBJ+VF} queise a Norwiz. Quant mun messeger vint la si trova ilec Willeme le Fiz Jon, ki ordena des estreites a sa{FE+TFE} volunte, si ke ren ne vent en sumunse ke lur partie tuche, ke ben amunte a cent e cinquante libres.

E sachet, sire, quant keo{1+SG+WK+SBJ} aveie este bone{ADJ+FE+TFE} pece en la vile, et ordene e purveu a lever le{MA+TFE} dette le rei, e quidei ke tute{ADJ+FE+TFE} choses fusent en bone{ADJ+FE+TFE} quiete, men alai hors de la vile pur grant mester ke jeo{1+SG+WK+SBJ} aveie de seiner, pur la maladie ke jeo{1+SG+WK+SBJ} aveie, e i lessai mes aturnez sufisauns a perfurnir{INF+IR+T} ce ke nus{1+PL+NEU+SBJ} avium ordene. Le terce jur apres la hu mes aturnes vindrent pur tenir{INF+IR+TIR} le plez le rei a le{UNC} tolhus, e autre chose fere ke lur{3+PL+WK+IND+OBJ+VF} fut enjoint. La vint Willeme le Fiz Jon et Johan le Fiz Joce. Ben eus trentime armez en aweit pur pense cuntre la pes; si prestrent ma{FE+TFE} gent ke ilec furent de par le rei, e felunessement les geterent a terre, e batirent, e defulerent, e perilusement le plaerent, ke a grant{ADJ+MA+TFE} peine echaperent trekes a leglise, e les{3+PL+WK+DIR+OBJ+VF} roberent de roules le rei, e des estreites ke le veucunte me{1+SG+WK+IND+OBJ+VF} enveia teles{ADJ+FE+TFE} cum ele furent, e treis aneus de or, e partie de amercimenz ke il{3+SG+WK+SBJ} aveint en bourse, e mut de autres choses ke le portur de lettres ws{2+PL+NEU+IND+OBJ+VF} dira de buche. Dunt jeo{1+SG+WK+SBJ} pri, cher{ADJ+MA+TMA}, sire, vostre seinurie ke ws{2+PL+NEU+SBJ} en cete{ADJ+FE+TFE} chose veilet mettre{INF+RE+TRE} hastif{ADJ+MA+TMA} cunseil, ke unkes mes ne fut si graunt{ADJ+MA+TFE} mester ke ore duit...er le pru le rei a lever, e le pru de la povere gent, dunt il{3+PL+WK+SBJ} dusent aver lur sutenaunce parmi le an. Et se hative{ADJ+FE+TFE} aide ne seit mis nul estrange ni osera venir{INF+IR+TIR}, e ceus de la vile of lur marchaundise se metterunt en autre port, saun revenir{INF+IR+TIR}, a ce ke i diunt.

E pur ce, sire, ke ws{2+PL+NEU+SBJ} me{1+SG+WK+IND+OBJ+VF} deites ke jeo{1+SG+WK+SBJ} asuase par deboneirete de treiter les{3+PL+NEU+DIR+OBJ+VNF} en amur e en bele{ADJ+FE+TFE} manere a la pes, jeo{1+SG+WK+SBJ} i mis tut{ADJ+MA+TMA} mun{MA+TMA} poer, e ne amunte a ren, ke deboneirete ne curteisie james ren ne vaudra. De autre part, sire, jeo{1+SG+WK+SBJ} sui tro petit a la garde de si maliciuse{ADJ+FE+TFE} gent, si jeo{1+SG+WK+SBJ} ne eie autre aide par tens e leument, sire, jeo{1+SG+WK+SBJ} harreie mut ke le rei fut perdaunt par ma defaute. Si mun sire Robert de Bufford fut en pais jeo{1+SG+WK+SBJ} ne averei regard. E ceus de la vile, ke sunt de pes, quant il{3+PL+WK+SBJ} veient lur enemis armez, il{3+PL+WK+SBJ} ne osent ren fere{INF+ERE+TAIRE} encuntre eus; taunt dutent ke james venjaunce ne en seit pris, pur ce ke taunt suvent sunt echapez.

Cher{ADJ+MA+TMA} sire, vostre volente me{1+SG+WK+IND+OBJ+VF} veile maunder en tute{ADJ+FE+TFE} choses, cum a vostre lige, e jeo{1+SG+WK+SBJ} le{3+SG+WK+DIR+OBJ+VF} ferai a mun{MA+TMA} poer. Sache, sire, ke mut sui a maleis ke taunt suvent este greve de pleintes ke ws{2+PL+NEU+SBJ} avet de ma{FE+TFE} bailie, mes leument, sire, jeo{1+SG+WK+SBJ} ne puis mes.

Choose Letter